Алег Іванавіч Вялічка

Алег Вялічка
Дэпутат Палаты прадстаўнікоў Нацыянальнага сходу Рэспублікі Беларусь 4-га склікання 2008 — 2012
Дэпутат Палаты прадстаўнікоў Нацыянальнага сходу Рэспублікі Беларусь 3-га склікання 2004 — 2008
Нараджэнне	6 сакавіка 1959(1959-03-06) (66 гадоў) Масявічы, Зеляневіцкі сельсавет, Пружанскі раён, Брэсцкая вобласць, Беларуская ССР, СССР
Адукацыя	Акадэмія кіравання пры Прэзідэнце Рэспублікі Беларусь Гродзенскі медыцынскі інстытут (1982) БелМАПА (2004)
Узнагароды	ганаровая грамата Нацыянальнага сходу Рэспублікі Беларусь Ганаровая грамата Савета Міністраў Рэспублікі Беларусь Ганаровая грамата Міністэрства спорту і турызму Рэспублікі Беларусь[d] Ганаровая грамата Міністэрства аховы здароўя Рэспублікі Беларусь[d] Ганаровай граматай Савета Міжпарламенцкай Асамблеі дзяржаў-удзельніц СНД[d]

Але́г Іва́навіч Вялі́чка (нар. 6 сакавіка 1959, в. Масявічы, Пружанскі раён, Брэсцкая вобласць, БССР) — беларускі хірург, дэпутат Палаты прадстаўнікоў Нацыянальнага сходу Рэспублікі Беларусь III i IV скліканняў.

Нарадзіўся 6 сакавіка 1959 года ў вёсцы Масявічы (цяпер у Пружанскім раёне Брэсцкай вобласці Беларусі). Скончыў Гродзенскі дзяржаўны медыцынскі інстытут у 1982 годзе, атрымаў спецыяльнасць лекара-хірурга, лекара-арганізатара аховы здароўя вышэйшай кваліфікацыйнай катэгорыі. Працаваў інтэрнам, траўматолагам, хірургам Брэсцкага гарадскога бальніцы хуткай дапамогі, галоўным урачом брэсцкай паліклінікі № 1, галоўным урачом бальніцы хуткай дапамогі^[1]. У 2004 скончыў Беларускую медыцынскую акадэмію паслядыпломнай адукацыі.

17 кастрычніка 2004 года абраны дэпутатам Палаты прадстаўнікоў Нацыянальнага сходу Рэспублікі Беларусь 3-га склікання. З 16 лістапада 2004 выконваў функцыі старшыні Пастаяннай камісіі па ахове здароўя, фізічнай культуры, справах сям’і і моладзі.

28 верасня 2008 года абраны дэпутатам Палаты прадстаўнікоў Нацыянальнага сходу Рэспублікі Беларусь 4 склікання па Брэсцкай Заходняй выбарчай акрузе № 1^[2]. Займаў у ёй пасаду старшыні тае самае камісіі^[1].

Падчас дэпутацкага тэрміна таксама быў дэпутатам Парламенцкага сходу Саюза Беларусі і Расіі, уваходзіў у склад камісіі па сацыяльнай палітыцы, навуцы, культуры і гуманітарных пытаннях^[3].

У 2012 скончыў Акадэмію кіравання пры Прэзідэнце Рэспублікі Беларусь. 22 кастрычніка 2012 года прызначаны галоўным урачом Брэсцкай цэнтральнай гарадской бальніцы^[4].

У 2016 годзе прызначаны намеснікам старшыні Брэсцкага аблвыканкама^[5].

• Медаль «За працоўныя заслугі» (6 снежня 2011)^[6];
• Медаль «90 гадоў Узброеных сіл Рэспублікі Беларусь»;
• Медаль «90 гадоў на варце граніц»;
• Медаль «Дрэва жыцця» Міжпарламенцкай Асамблеі дзяржаў — удзельніц Садружнасці Незалежных Дзяржаў;
• Ганаровая грамата Нацыянальнага сходу Рэспублікі Беларусь;
• Ганаровая грамата Савета міністраў Рэспублікі Беларусь;
• Ганаровая грамата Міністэрства спорту і турызму Рэспублікі Беларусь;
• Ганаровая грамата Міністэрства аховы здароўя Рэспублікі Беларусь;
• Знак «Выдатнік аховы здароўя Рэспублікі Беларусь»^[1].

Жанаты, мае дачку^[1].

• Хто ёсць хто ў Рэспубліцы Беларусь(недаступная спасылка) (руск.)