Алег Рыгоравіч Арлоў

Алег Рыгоравіч Арлоў
Алег Рыгоравіч Арлоў
Дата нараджэння	18 ліпеня 1934
Месца нараджэння	Старасакольнікі, Прыгарадная воласць[d], Новасакольніцкі раён, Пскоўская вобласць, РСФСР, СССР;
Дата смерці	22 красавіка 1995 (60 гадоў)
Месца смерці	Віцебск, Віцебская вобласць, Беларусь;
Род дзейнасці	мастак, выкладчык універсітэта
Месца працы	мастацка-графічны факультэт ВДУ;
Вучоба	Рыжскае мастацкае вучылішча імя Я. Разенталя[d] (1958); Беларускі дзяржаўны тэатральна-мастацкі інстытут (1966);
Уплыў	Май Вольфавіч Данцыг і Аляксандр Пятровіч Мазалёў
Член у	Беларускі саюз мастакоў;

Алег Рыгоравіч Арлоў (18 ліпеня 1934(1934-07-18), Старасакольнікі, Пскоўская вобласць — 22 красавіка 1995(1995-04-22), Віцебск) — беларускі жывапісец.

Біяграфія

Нарадзіўся 18 ліпеня 1934 года ў вёсцы Старасакольнікі Пскоўскай вобласці (Расія)^[1].

Скончыў у 1958 годзе Рыжскае мастацкае вучылішча імя Я. Разенталя, у 1966 годзе Беларускі дзяржаўны тэатральна-мастацкі інстытут. Вучыўся ў М. Данцыга і А. Мазалёва. Удзельнік мастацкіх выставак з 1966 года^[1].

Выкладаў у 1966—1994 гадах на мастацка-графічным факультэце Віцебскага дзяржаўнага педагагічнага інстытута^[2].

Член Беларускага саюза мастакоў з 1972 года^[1].

Творчасць

Працаваў у станковым жывапісе ў жанрах фігуратыўнай карціны, пейзажа, партрэта^[1]. Эксперыментальны характар твораў спалучаецца са своеасаблівым асацыятыўна-імпрэсіяністычным бачаннем рэальнасці.

Сярод работ: тэматычныя кампазіцыі «Вялікая Айчынная вайна 1941—45» (1968), «Віцебшчына гераічная і працоўная» (1968)^[2], «Дэманстрацыя», «Першы дзень міру»^[1], «Памяці маці» (1974)^[2], «Песні Чылі», «Клятва байцоў», «Вызваленне»^[1]; пейзажы «Пейзаж у Лясковічах» (1970), «Лучоса» (1970), «Віцебск» (1970), «Каток у Віцебску» (1970), «Стары замак» (1980)^[2], «Восень. Поўдзень», «Віцебшчына — азёрны край»^[1], «Восень у Беліцы» (1981), «Зіма ў Здраўнёве» (1985), «Плошча Перамогі» (1990), «Стары Полацк» (1993); партрэты мастакоў А. Салаўёва (1980) і А. Мемуса (1980)^[2], партрэты «Студэнт», «Маці», «Паэт»^[1]; нацюрморты «Бэз» (1985), «Рамонкі» (1985) і інш^[2].

Творы знаходзяцца ў Полацкім краязнаўчым музеі^[1].

Крыніцы

↑ ^а ^б ^в ^г ^д ^е ^ё ^ж ^з Арлоў Алег Рыгоравіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.
↑ ^а ^б ^в ^г ^д ^е Цыбульский, М. Л. Орлов Олег Григорьевич // Рэгіёны Беларусі: энцыклапедыя. У 7 т. = Регионы Беларуси: энциклопедия. В 7 т. (руск.) / Т. В. Белова (гл. ред.). — Мн.: БелЭн, 2011. — Т. 2. Витебская область. В 2 кн. Книга 2. Кривоблоцкий — Яцкевич. — 636 с. — 2 500 экз. — ISBN 978-985-11-0562-1.

Літаратура

Арлоў Алег Рыгоравіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.

Цыбульский, М. Л. Орлов Олег Григорьевич // Рэгіёны Беларусі: энцыклапедыя. У 7 т. = Регионы Беларуси: энциклопедия. В 7 т. (руск.) / Т. В. Белова (гл. ред.). — Мн.: БелЭн, 2011. — Т. 2. Витебская область. В 2 кн. Книга 2. Кривоблоцкий — Яцкевич. — 636 с. — 2 500 экз. — ISBN 978-985-11-0562-1.