Алена Іванаўна Алексіна

Алена Іванаўна Алексіна
Алена Іванаўна Алексіна
старшыня Гомельскага раённага выканаўчага камітэта[d]
	31 жніўня 2018 — 3 верасня 2020
Пераемнік	Сяргей Ермаліцкі
Нараджэнне	16 мая 1966 (58 гадоў); Беразіна, Марозавіцкі сельсавет, Буда-Кашалёўскі раён, Гомельская вобласць, БССР, СССР;
Адукацыя	БелІІЧТ (1990); Акадэмія кіравання пры Прэзідэнце Рэспублікі Беларусь (2004);
Месца працы	Гомельская фабрыка цацак[d]; Буда-Кашалёўскі раённы выканаўчы камітэт[d];

Алена Іванаўна Алексіна (нар. 16 мая 1966, в. Беразіна, Буда-Кашалёўскі раён, Гомельская вобласць) — беларуская дзяржаўная дзяячка.

Біяграфія

Нарадзілася 16 мая 1966 года ў вёсцы Беразіна Буда-Кашалёўскага раёна Гомельскай вобласці. Беларуска^[3].

Працоўную дзейнасць пачала ў 1983 годзе на Гомельскай фабрыцы цацак^[3].

У 1985—1990 гадах вучылася ў Беларускім інстытуце інжынераў чыгуначнага транспарту па спецыяльнасці «Будаўніцтва чыгунак, пуць і пуцявая гаспадарка». Пасля заканчэння інстытута працавала ў аддзеле сацыяльнай абароны Буда-Кашалёўскага райвыканкама: інспектарам, галоўным інспектарам, загадчыцай аддзела. У 2002—2004 гадах — начальніца ўпраўлення па працы і сацыяльнай абароне Буда-Кашалёўскага райвыканкама^[3].

У 2004 годзе скончыла Акадэмію кіравання пры Прэзідэнце Рэспублікі Беларусь па спецыяльнасці «Кіраванне сацыяльнай сферай». Працавала намесніцай старшыні Буда-Кашалёўскага раённага выканаўчага камітэта, старшынёй Буда-Кашалёўскага раённага Савета дэпутатаў, старшынёй Гомельскага раённага выканаўчага камітэта^[3].

У верасні 2020 года назначана намесніцай старшыні Гомельскага гарвыканкама^[3].