Алесь Пятровіч Госцеў

Алесь Пятровіч Госцеў нар. (2 мая 1948, Калінінград) — беларускі краязнаўца і выкладчык^[1]. Аўтар кніг па гісторыі Гродна.

Нарадзіўся ў Калінінградзе, але ўжо ў год свайго нараджэння апынуўся у Гродне^[2]. Скончыў школу № 7 (1966), а пасля інстытут Янкі Купалы (1970; настаўнік фізікі сярэдняй школы) ^[2]. Служыў у войску, а пазней працаваў на ДВА «Азот».З 1992 года выкладаў у гарадзенскім Ліцэі № 1.

Удавец.

З 1976 года актыўна займаўся краязнаўствам Гродна і Гродзеншчыны^[2]. Удзельнічаў у напісанні шматлікіх кніг па гісторыі Гродна. У якасці суаўтара супрацоўнічаў з такімі вядомымі гродзенскімі гісторыкамі, як Вячаслаў Віталевіч Швед, Андрэй Фрыдрыхавіч Вашкевіч, Андрэй Мікалаевіч Чарнякевіч і інш. Распрацаваў аўтарскую сістэму школьнага краязнаўства і разам з калегамі і вучнямі стварыў у Ліцэі № 1 музей.

Краяцнаўца выступаў з культурнымі ініцыятывамі, сярод якіх была прапанова аб увекавечанні ў назвах вуліц Гродна імёнаў гістарычных дзеячаў^[3].

У 2012 годзе за сваю краязнаўчую дзейнасць атрымаў прэмію Ядкоўскага.

• Швед В. В., Госцеў А. П. Горадня. Аповяды з гісторыі горада (сярэдзіна 16 — канец 18 ст.). — Гродна: Пергамент, 1997. — 140 с.
• «Кронон. Летопись города на Немане (1116—1990)» (1993)
• «Королевский город Гродно» (2006, 2008, 2009, 2010)
• «Гродназнаўства» (2009, 2010)
• «От Фортов до Коложи» (2012)

• Старонка Алеся Госцева ў Фэйсбуку