Альбін Фадзеевіч Дзяконскі

Альбін Фадзеевіч Дзяконскі
герб «Кораб»
маршалак шляхты Кобрынскага павета 1878 — 1884
Нараджэнне	1838(1838)
Смерць	1918(1918)
Род	Дзяконскія
Бацька	Тадэвуш Дзяконскі[d]
Маці	Альжбета з Выганоўскіх[d]
Жонка	Марыя з Керназіцкіх (каля 1860) Ядвіга з Ажэшкаў (каля 1890)
Дзеці	з Марыяй: Мар’ян з Ядвігай: Вацлаў Ганна Крысціна Альбін Ядвіга Эмілія
Веравызнанне	каталіцтва
Адукацыя	Імператарскі Маскоўскі ўніверсітэт
Узнагароды

Альбі́н Фадзе́евіч Дзяко́нскі герба «Кораб» (польск.: Albin Dziekoński; 1838—1918) — шляхціч, маршалак дваранства Кобрынскага павета^[1]. Губернскі сакратар

Сын Тадэвуша Дзяконскага (1810—1845) і Альжбеты з Выганоўскіх. Каталік.

У 1879—1882 гадах займаў пасаду кобрынскага павятовага маршалка. Быў ганаровым міравым суддзёй Кобрынска-Пружанскай акругі, старшынёй мясцовага ўпраўлення расійскага таварыства Чырвонага Крыжа. У гэты ж час навучаўся ў Імператарскім Маскоўскім універсітэце. Пражываў у горадзе Кобрыне, потым у Брэсце^[2].

Узнагароджаны медалём «У памяць вайны 1853—1856» і знакам Чырвонага Крыжа^[3].

Валодаў маёнткам Чахец у Пружанскім павеце, які атрымаў у якасці пасагу ад першай жонкі. Ён упарадкаваў у маёнтку парк, разбудаваў сядзібу. Яго сын ад першага шлюбу Мар’ян успадкаваў маёнтак пасля смерці бацькі^[4].

З жонкай Марыяй Ганнай з Керназіцкіх мелі сына Мар’яна^[4]. Пасля яе смерці (1887) ажаніўся другім разам з Ядвігай з Ажэшкаў. Мелі сыноў Вацлава і Альбіна, дачок Ганну Крысціну і Ядвігу Эмілію.

• Генеалогія нашчадкаў Вялікага сойма (польск.)