Аль-Амаль

Аль-Амаль араб. مسبار الأمل‎
Арганізацыя:	Касмічны цэнтр Махамеда ібн Рашыда
Мэта запуска:	Навуковае даследаванне Марса
Спосаб вываду на арбіту:	H-IIA
Дата запуска апарата	19 ліпеня 2019
Месцазнаходжанне апарата:	Арбіта Марса
Апісанне апарата
Маса:	1350 кг
Магутнасць:	1800

Аль-Амаль (араб. مسبار الأمل‎, «Надзея») — эмірацкая аўтаматычная міжпланетная станцыя, якую адправілі да Марса ў рамках Emirates Mars Mission (араб. مشروع الإمارات لاستكشاف المريخ) з Японіі 19 ліпеня 2020 года 21:58:14 UTC^[1] з касмічнага цэнтра Танэгасіма пры дапамозе ракеты-носьбіта H-IIA^[2][3][4]. 14 і 15 ліпеня ААЭ двойчы пераносіла старт місіі Mars Hope Probe з-за навальнічных аблокаў на касмадроме^[5].

Гэта першы марсіянскі спадарожнік Аб’яднаных Арабскіх Эміратаў і арабскага свету ў цэлым. Апарат быў створаны пры супрацоўніцтве Касмічнага цэнтра Махамеда ібн Рашыда і амерыканскай Лабараторыі атмасфернай і касмічнай фізікі ва Універсітэце Каларада, а таксама іншых арганізацый, такіх як універсітэт штата Арызона і Каліфарнійскі ўніверсітэт у Берклі^[6]

Навуковая мэта, пастаўленая перад гэтым спадарожнікам, — стварэнне поўнай карціны марсіянскай атмасферы. Апарат будзе даследаваць, як змяняецца надвор’е на працягу дня і на працягу года, вывучаць метэаралагічныя падзеі ў ніжніх пластах атмасферы, такія як пылавыя буры, а таксама назіраць за надвор’ем у розных геаграфічных абласцях Марса^[7][8].

14 лютага 2021 года апарат зрабіў свой першы фотаздымак Марса^[9].