Аляксандр Адольфавіч Пальмбах

Аляксандр Адольфавіч Пальмбах
Дата нараджэння	11 верасня 1897(1897-09-11)
Месца нараджэння	Дрыса, Дрысенскі павет, Віцебская губерня, Расійская імперыя
Дата смерці	20 кастрычніка 1963(1963-10-20) (66 гадоў)
Месца смерці	Кызыл, Тувінская АССР[d], РСФСР, СССР
Грамадзянства	Расійская імперыя  СССР
Род дзейнасці	навуковец
Навуковая сфера	цюркалогія
Месца працы	Камуністычны ўніверсітэт працоўных Усходу імя І. В. Сталіна[d] Паўднёва-Уральскі дзяржаўны гуманітарна-педагагічны ўніверсітэт[d]
Альма-матар	Віцебскае аддзяленне Маскоўскага археалагічнага інстытута
Узнагароды

Аляксандр Адольфавіч Пальмбах(10 верасня 1897, Дрыса, Віцебская губерня — 22 кастрычніка 1963) — вучоны-цюрколаг. Прафесар (1960). Заслужаны дзеяч літаратуры і мастацтва Тувінскай АССР (1963).

Скончыў Віцебскае аддзяленне Маскоўскага археалагічнага інстытута (1918). Удзельнік грамадзянскай вайны. Настаўнічаў у Лёзне (да 1922). З 1930 г. у Тувінскай Народнай Рэспубліцы^[1]. Выкладаў у Камуністычным універсітэце працоўных Усходу, Чалябінскам педагагічным інстытуце і інш.

Адзін са стваральнікаў тувінскай пісьменнасці. Сааўтар «Граматыкі тувінскай мовы», «Асноў тувінскай арфаграфіі» і інш. Перакладаў з тувінскай мовы на рускую, даследаваў сувязі тувінскай літаратуры з літаратурамі народаў СССР. Узнагароджаны 2 ордэнамі^[1].

Быў жанаты, меў трох сыноў: Спартак Пальмбах (1923—1943), Гранік Пальмбах (1925—1996). Тэмір Пальмбах (нар. 1931)

У Тыве ў гонар А. А. Пальмбаха названа адна з вуліц горада Кызыла.

• Пальмбах Аляксандр Адольфавіч // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).