Аляксандр Альбертавіч Панкоў

Аляксандр Альбертавіч Панкоў (нар. 1 лютага 1953, Гомель) — беларускі фізік-тэарэтык. Доктар фізіка-матэматычных навук (1994), прафесар (1996). Прафесар Міжнароднага цэнтра тэарэтычнай фізікі імя Абдуса Салама (1994). Член Італьянскага фізічнага таварыства (2004).

Скончыў Гомельскі дзяржаўны ўніверсітэт (спецыяльнасць «Фізіка», 1976), Інстытут фізікі АН БССР (аспірантура, 1982).

Працаваў у Гомельскім дзяржаўным тэхнічным універсітэце імя П. В. Сухога (з 1983, з 1994 — кіраўнік лабараторыі фізічных даследавання і з 2004 — філіяла Міжнароднага цэнтра тэарэтычнай фізікі імя А. Салама, створанага на базе лабараторыі).

Навуковыя інтарэсы: фізіка высокіх энергій; пошук новых элементарных часціц і ўзаемадзеянняў на электрон-пазітронных і адронных калайдэрах.

Прэмія НАН Беларусі (1998), стыпендыя Прэзідэнта Рэспублікі Беларусь (2001).

• Эффекты электрослабых взаимодействий в процессах аннигиляционного рождения новых нейтральных колибровочных бозонов и тяжелых векторных кваркониев : диссертация … доктора физико-математических наук : 01.04.02 : защищена 01.03.1994 : утверждена 00.00.0000 / Панков Александр Альбертович. — Минск, 1993.
• Spin and model identification of Z’ bosons at the LHC / P. Osland [et al.] // Physical Review [Electronic resourse]. D, Particles, Fields, Gravitation and Cosmology. — 2009. — Vol. 79, iss. 11. — [11 p.]. — Режим доступа: http://arxiv.org/pdf/0904.4857.pdf

• Панкоў Аляксандр Альбертавіч // Беларуская энцыклапедыя : у 18 т. — Мінск, 2001. — Т. 12. — С. 48.
• Панков Александр Альбертович // Республика Беларусь: энциклопедия : [в 7 т.]. — Минск, 2007. — Т. 5. — С. 693—694.
• Панков Александр Альбертович // Регионы Беларуси : энциклопедия : в 7 т. — Минск, 2013. — Т. 3: Гомельская область : в 2 кн., кн. 2. — С. 169, 171.