Аляксандр Васілевіч Гарачкін

Аляксандр Васілевіч Гарачкін
Пастаянны прадстаўнік Савета Міністраў БССР пры Савеце Міністраў СССР кастрычнік 1956 — 1983
Кіраўнік урада	Мікалай Аўхімовіч Ціхан Кісялёў Аляксандр Аксёнаў
Пераемнік	Мікалай Сташанкоў
Міністр лёгкай прамысловасці БССР 30 чэрвеня 1956 — кастрычнік 1956
Кіраўнік урада	Мікалай Аўхімовіч
Папярэднік	І. М. Астаф’еў
Пераемнік	Георгій Семяніхін
Міністр тэкстыльнай прамысловасці БССР 26 сакавіка 1946 — 5 лютага 1949
Кіраўнік урада	Панцеляймон Панамарэнка Аляксей Кляшчоў
Папярэднік	ён сам, як наркам тэкстыльнай прамысловасці
Пераемнік	пасада скасаваная
Народны камісар тэкстыльнай прамысловасці БССР сакавік 1945 — 26 сакавіка 1946
Кіраўнік урада	Панцеляймон Панамарэнка
Папярэднік	Канстанцін Аляксееў
Пераемнік	ён сам, як міністр тэкстыльнай прамысловасці
Нараджэнне	13 (26) лістапада 1910 Яраслаўль, Яраслаўская губерня, Расійская імперыя
Смерць	невядома
Партыя	УКП(б)

Алякса́ндр Васі́левіч Гара́чкін (13 (26) лістапада 1910, Яраслаўль — ?) — дзяржаўны дзеяч БССР.

З рабочых. Член КПСС з 1939. Скончыў Маскоўскі інстытут тэкстыльнай і лёгкай прамысловасці (1960).

З 1931 года ў тэкстыльнай прамысловасці, з 1940 года намеснік наркама тэкстыльнай прамысловасці БССР. У Вялікую Айчынную вайну выконваў даручэнні ЦК КП(б)Б і СНК БССР. З 1945 года наркам, з 1946 года міністр тэкстыльнай прамысловасці, пасля аб’яднання з міністэрствам лёгкай прамысловасці прызначаны першым намеснікам міністра лёгкай прамысловасці БССР, пасля старшыня праўлення Белпрамсавета, першы намеснік міністра лёгкай прамысловасці СССР. З кастрычніка 1956 па ліпень 1983 года пастаянны прадстаўнік Савета Міністраў БССР пры Савеце Міністраў СССР^[1].

На XIX з’ездзе КП(б)Б абіраўся кандыдатам у члены ЦК, на 21—27 з’ездах КПБ — членам ЦК КПБ. Дэпутат Вярхоўнага Савета БССР 5—7 скліканняў. Узнагароджаны 3 ордэнамі, медалямі.

• Гарачкін Аляксандр Васілевіч // Беларуская Савецкая Энцыклапедыя. У 12 т. Т. 3. Веды — Графік / Рэдкал.: П. У. Броўка (гал. рэд.) і інш. — Мн.: БелСЭ, 1971. — С. 354. — 608 с.: іл., карты.