Аляксандр Генрыхавіч Сонгін

Аляксандр Генрыхавіч Сонгін (нар. 12 кастрычніка 1969, в. Тарнова, Лідскі раён, Гродзенская вобласць) — беларускі службовец, дэпутат Палаты прадстаўнікоў Нацыянальнага сходу Рэспублікі Беларусь з 2024 года.

Нарадзіўся 12 кастрычніка 1969 года ў вёсцы Тарнова Лідскага раёна Гродзенскай вобласці^[1].

Скончыў Беларускі дзяржаўны педагагічны ўніверсітэт імя М. Танка па спецыяльнасці «Гісторыя»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне сацыяльнай сферай»^[1].

Працаваў настаўнікам Далецкай базавай школы; дырэктарам Гудскага вучэбна-педагагічнага комплексу дзіцячы сад — базавая школа Лідскага раёна; начальнікам упраўлення адукацыі Лідскага раённага выканаўчага камітэта; намеснікам дырэктара ААТ «Лідскія аўтобусы „Нёман“»; начальнікам галоўнага ўпраўлення адукацыі Гродзенскага аблвыканкама^[1].

Выбіраўся дэпутатам Гродзенскага абласнога Савета дэпутатаў 27-га склікання^[1].

У 2024 годзе стаў дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Замкавай акругі № 57. Намеснік старшыні Пастаяннай камісіі па адукацыі, культуры і навуцы^[1].

Узнагароджаны Ганаровай граматай Нацыянальнага сходу Рэспублікі Беларусь, юбілейнымі медалямі^[1].

• Біяграфія на сайце Палаты прадстаўнікоў Нацыянальнага сходу Рэспублікі Беларусь