Аляксандр Леапольдавіч Верашчагін

Аляксандр Леапольдавіч Верашчагін (нар. 12 лютага 1949, Архангельск) — беларускі мастак-жывапісец, графік, мастак кіно і тэлебачання.

Нарадзіўся 12 лютага 1949 года ў Архангельску. Скончыў у 1968 годзе Яраслаўскае мастацкае вучылішча, у 1977 годзе — Усесаюзны дзяржаўны інстытут кінематаграфіі ў Маскве. Вучыўся ў І. Шпінеля, Б. Няменскага^[1].

З 1975 года — удзельнік мастацкіх выставак. З 1977 года працуе на кінастудыі «Беларусьфільм»^[1].

Член Беларускага саюза мастакоў з 1993 года^[1].

Жыве ў Мінску^[1].

Працуе ў галіне жывапісу, графікі, мастацтва кіно і тэлебачання. Аформіў мастацкія фільмы: «Капітан Сарві-галава», «Чужая вотчына» (разам з Я. Ігнацьевым), «Вялікія прыгоды», «Д’ябал», «Рамантык», «Філіял», «Кветкі правінцыі», «Белы бусел»; а таксама мультфільмы: «Капрычо», «Хлопчык і праменьчык», «З днём нараджэння».

Сярод тэатральных работ — афармленне спектакляў «Запіскі вар’ята» паводле М. Гогаля і «Сон смешнага чалавека» паводле Ф. Дастаеўскага^[1].

Сярод жывапісных твораў — «Розніца ў часе», «Белы дзень», «Дождж», «Вікторыя», «Распяцце», «Ранак». Творы знаходзяцца ў Нацыянальным мастацкім музеі Беларусі і Музеі гісторыі беларускага кіно^[1].

• Верашчагін Аляксандр Леапольдавіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.