Архангельская вобласць

Архангельская вобласць
Архангельская вобласць
	руск.: Архангельская область
Герб	Сцяг[d]
Краіна	Расія;
Гімн	Anthem of Arkhangelsk Oblast[d]
Статус	вобласць
Уваходзіць у	Паўночна-заходняя федэральная акруга ; Паўночная эканамічная акруга
Адміністрацыйны цэнтр	Архангельск;
Дата ўтварэння	23 верасня 1937
Губернатар	Igor Orlov[d]
Насельніцтва	▼989 434 чал. (1 студзеня 2025);
Плошча	587 400 км²;
Вышыня; над узроўнем мора	77 м
Часавы пояс	GMT +4
Код ISO 3166-2	RU-ARK
Код аўтам. нумароў	29
Афіцыйны сайт (руск.)
	Медыяфайлы на Вікісховішчы

Архангельская вобласць — суб’ект Расійскай Федэрацыі, размешчаны на поўначы еўрапейскай часткі краіны. Утворана 23 верасня 1937 года. Цэнтр — горад Архангельск. Уключае Ненецкую аўтаномную акругу і астравы Паўночнага Ледавітага акіяна (Калгуеў, Вайгач, Новая Зямля, Зямля Франца-Іосіфа, Салавецкія астравы, востраў Вікторыя і іншыя). Найбуйнейшыя гарады: Котлас, Северадзвінск, Навадзвінск, Анега.

Геаграфія

Размешчана на поўначы Усходне-Еўрапейскай раўніны. У паўночна-заходняй частцы тэрыторыі цягнецца горны краж Ветраны Пояс (вышыня да 344 метраў), на паўночным усходзе — Ціманскі краж (вышыня да 303 метраў), Канін Камень (да 242 метраў) і хрыбет Пай-Хой (вышыня да 467 метраў). Цэнтральная частка парэзана далінамі рэк, асобныя платопадобныя ўчасткі вышынёй 150—270 метраў (Каношскае і Няндомскае ўзвышшы, Беламорска-Кулойскае плато). На ўсходзе ад Ціманскага кража — вялізная забалочаная Пячорская нізіна, большая частка якой занятая Вяліказямельскай і Малазямельскай тундрамі з шэрагам марэнных градаў вышынёй да 250—275 метраў. Паўвостраў Рускі Заварот, гарадскі пасёлак Малашуйка.