Аляксандр Фёдаравіч Рогалеў

Аляксандр Фёдаравіч Рогалеў (нар. 27 снежня 1956, г. Гомель) — беларускі вучоны ў галіне мовазнаўства. Краязнавец, даследчык гісторыі тапаніміі Гомеля і Гомельшчыны. Доктар філалагічных навук (1996), дацэнт (1991), прафесар (1998).

Скончыў гісторыка-філалагічны факультэт Гомельскага дзяржаўнага ўніверсітэта імя Ф. Скарыны (1980). Служыў у Савецкай Арміі. З 1982 г. працуе ў ГДУ імя. Ф. Скарыны. Прафесар кафедры  рускага, агульнага і славянскага мовазнаўства.

Аўтар шматлікіх навуковых, навукова-папулярных і краязнаўчых публікацый, у тым ліку шэрагу кніг.

Вывучае паходжанне геаграфічных назваў Беларусі, гісторыю беларускай мовы і этнаса, праводзіць краязнаўчыя даследаванні Гомеля і Гомельшчыны, а разам з тым займаецца «эзатэрычнай лінгвістыкай».

Аўтар звыш 2000 публікацый па названых вышэй тэмах ў перыядычным друку.

Узнагароджаны Ганаровай граматай Гомельскага гарадскога Савета.

• Рогалеў Аляксандр Фёдаравiч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 392. — 10 000 экз. — ISBN 985-11-0035-8. — ISBN 985-11-0216-4 (т. 13).
• Рогалеў Аляксандр Фёдаравiч // Энцыклапедыя гісторыі Беларусі : У 6 т. Т. 6. Кн.1: Пузыны — Усая / Беларус. Энцыкл.; Рэдкал.: Г. П. Пашкоў (гал.рэд.) і інш.; Маст. Э. Э. Жакевіч. — Мн.: БелЭн, 2001. — С. 116.
• Рогалев Александр Федорович // Знаменитые люди Гомельщины (27.08.2018).
• Рогалев Александр Федорович // Филологический факультет ГГУ им. Ф. Скорины.
• Рогалёв Александр Фёдорович Архівавана 13 чэрвеня 2021. // Гомельпедия. Электронный энциклопедический справочник Гомеля.

• Сайт філалагічнага факультэта ГДУ імя Ф. Скарыны
• Блог Аляксандра Рогалева