Аляксей Аляксандравіч Волкаў

Аляксей Аляксандравіч Волкаў
Аляксей Аляксандравіч Волкаў
старшыня Дзяржаўнага камітэта судовых экспертыз Рэспублікі Беларусь[d]
	з 9 кастрычніка 2020
Нараджэнне	7 верасня 1973 (51 год); Мінск, БССР, СССР;
Адукацыя	БІП — Інстытут правазнаўства (1996);
Месца працы	Следчы камітэт Рэспублікі Беларусь;
Ваенная служба
Званне	Генерал-маёр
Узнагароды

Аляксе́й Алякса́ндравіч Во́лкаў (нар. 7 верасня 1973, Мінск) — беларускі дзяржаўны дзеяч, старшыня Дзяржаўнага камітэта судовых экспертыз Рэспублікі Беларусь (бел. (тар.)) (бел., генерал-маёр юстыцыі (2015).

Біяграфія

У 1996 годзе скончыў Беларускі інстытут правазнаўства.

З 1996 года па 2011 год працаваў на розных пасадах у органах пракуратуры.

З 1 студзеня 2012 года па 23 ліпеня 2013 года працаваў начальнікам упраўлення Следчага камітэта Рэспублікі Беларусь па Мінску.

23 ліпеня 2013 года прызначаны першым намеснікам старшыні Следчага камітэта Рэспублікі Беларусь^[1].

9 кастрычніка 2020 года прызначаны старшынёй Дзяржаўнага камітэта судовых экспертыз Рэспублікі Беларусь (бел. (тар.)) (бел.^[2].

Узнагароды

медаль «За бездакорную службу» III ступені (2013)^[3]
медаль «За бездакорную службу» II ступені
медаль «За бездакорную службу» I ступені (2018)^[4]

Міжнародныя санкцыі

31 жніўня 2020 года Волкаў быў уключаны ў спіс асобаў, на якіх накладзена бестэрміновая забарона на ўезд у Латвію, пяцігадовая забарона на ўезд у Эстонію і забарона на ўезд у Літву ў сувязі з тым, што «сваімі дзеяннямі ён арганізаваў і падтрымаў фальсіфікацыю прэзідэнцкіх выбараў 9 жніўня і наступнае гвалтоўнае здушэнне мірных пратэстаў»^[5]. 6 лістапада 2020 года Волкава дадалі ў Чорны спіс Еўрасаюза^[6]. Пры абгрунтаванні ўвядзення санкцый адзначалася, што ён як першы намеснік старшыні Следчага камітэта нясе адказнасць за кампанію рэпрэсій і запалохвання на чале з Камітэтам пасля прэзідэнцкіх выбараў, у прыватнасці, расследаванні супраць Каардынацыйнай рады і мірных дэманстрантаў^[7].