Аляксей Савельевіч Калугін

Аляксей Савельевіч Калу́гін^[1] (нар. 15 кастрычніка 1921) — вучоны ў галіне хірургіі, фізіялогіі спорту і спартыўнай медыцыны, доктар медыцынскіх навук (1970), прафесар (1973).

Нарадзіўся ў вёсцы Чыстыя Лужы (зараз у Веткаўскім раёне Гомельскай вобласці Беларусі). Удзельнік Вялікай Айчыннай вайны^[2]. У 1952 годзе скончыў Віцебскі медыцынскі інстытут. З 1961 года ў Гродзенскім медыцынскім інстытуце на 2-й кафедры хірургічных хвароб^[3]. У 1971—1995 гг. на пасадзе загадчыка кафедрай фізіялогіі спорту і спартыўнай медыцыны ў Гомельскім дзяржаўным універсітэце.

А. С. Калугіну належаць працы па лячэнні спайкавай хваробы брушыны, рэабілітацыі спартсменаў, адаптацыі арганізма да ўмоў жыццядзейнасці. Аўтар больш за 130 навуковых прац^[2]. Сярод апублікаванага:

• О технике операции Нобля // Клиническая хирургия. — 1966. — № 1.;
• Еюнопликации. — Мн., 1976.;
• За здоровьем и долголетием. — Мн., 1983.

Лаўрэат Скарынаўскіх навуковых чытанняў (Гомельскі дзяржаўны ўніверсітэт імя Францыска Скарыны, 1996 год).

• Калугін Аляксей Савельевіч // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7). — С. 482.

• Калугин Алексей Савельевич // Знаменитые люди Гомельщины
• Сотрудники Гродненского государственного медицинского университета (института) на фронтах Великой Отечественной войны. 70 лет Великой Победы: библиографический указатель / сост. Т. Б. Журавлёва; отв. ред. Л.М. Хомбак. – Гродно :ГрГМУ, 2016. – 22 с. (руск.)