Анатоль Георгіевіч Лабанок

Анатоль Георгіевіч Лабанок
Дата нараджэння	18 чэрвеня 1938(1938-06-18) (87 гадоў)
Месца нараджэння	Менск, Менская вобласць, Беларуская ССР, СССР
Грамадзянства	СССР  Беларусь
Род дзейнасці	навуковец
Навуковая сфера	мікрабіялогія
Месца працы	Інстытут мікрабіялогіі НАН Беларусі
Навуковая ступень	доктар біялагічных навук (1978) і акадэмік НАН Беларусі (1991)
Навуковае званне	прафесар[d] (1983)
Альма-матар	Мінскі медыцынскі інстытут (1961)
Узнагароды

Анатоль Георгіевіч Лабанок (нар. 18 чэрвеня 1938, Мінск) — беларускі мікрабіёлаг. Акадэмік Нацыянальнай акадэміі навук Беларусі (1991; член-карэспандэнт з 1984), доктар біялагічных навук (1978), прафесар (1983). Заслужаны дзеяч навукі Рэспублікі Беларусь (1998).

Скончыў Мінскі медыцынскі інстытут (1961). З 1967 года малодшы навуковы супрацоўнік, загадчык лабараторыі Аддзела мікрабіялогіі АН БССР, у 1973—1975 гадах загадчык Аддзела мікрабіялогіі АН БССР. У 1975—2004 гадах дырэктар Інстытута мікрабіялогіі НАН Беларусі. У 1997—2002 гадах акадэмік-сакратар Аддзялення біялагічных навук НАН Беларусі.

Асноўныя работы звязаны з даследаваннем біягенезу пазаклеткавых мікробных ферментаў, фізіялогіі і біяхіміі мікробнага антаганізму, дэградацыі ксенабіётыкаў. Ім растлумачаны механізм рэгуляцыі ўтварэння мікробных депалімераз пры адсутнасці ў асяроддзі спецыфічнага індуктара. Вывучаны поліферментныя сістэмы мікраарганізмаў з малекулярна-функцыянальнай гетэрагеннасцю і сінергічным эфектам дзеяння. Распрацаваны біятэхналогіі атрымання ферментных прэпаратаў для прамысловасці, сельскай гаспадаркі і медыцыны.

Ініцыяваў развіццё перспектыўных для рэспублікі навуковых напрамкаў у галіне мікробных біятэхналогій, у тым ліку стварэння біялагічных сродкаў абароны раслін, экалогіі мікраарганізмаў і аховы навакольнага асяроддзя, а таксама стварэнне Беларускай калекцыі непатагенных мікраарганізмаў са статусам міжнароднага дэпазітарыя.

• Микробный синтез на основе целлюлозы: белок и другие ценные продукты. Мн.: Наука и техника, 1988 (совм. с В. Г. Бабицкой, Ж. Н. Боглановской).
• Selection of a mutant strain of Lipomyces kononenkoae with dextranase synthesis resistant to catabolite repression // World J. Microbiol. Biotechnol. 1993.
• Utilization of halogenated benzoats, phenols and benzoates by Rhodococcus rhodochorus strain GM 14 // Appl. and Enviromental Microbiology. 1995.
• Screening of Glucose isomerase-producing microorganisms // World J. Microbiol. Biotechnol. 1998.
• Effect of Aromatic compounds on Cellular Fatty Acid composition of Rodococcus opacus // Appl. and Enviromental Microbiol. 1999.
• Rhizospheral strain Bacillus subtilis 12A and its effect on pathogenic agents of vegetable crops// Bull. Polish Academy of Sciences. Ser. Biol. 2002.
• Interaction between soil Microorganisms: Bacteria, Actinomycetes and Entomopathogenic Fungi of the genera Beauveria and Paecilomyces // Polish J. оf Ecology. 2003

• Лабанок Анатоль Георгіевіч // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 50. — 10 000 экз. — ISBN 985-11-0035-8. — ISBN 985-11-0155-9 (т. 9).
• Лабано́к Анатоль Георгіевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 415. — 800 с. — 5 000 экз. — ISBN 985-11-0026-9.

• Анатоль Георгіевіч Лабанок у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
• Лобанок Анатолий Георгиевич Архівавана 9 студзеня 2023. (руск.) // Сайт БДМУ
• База патентов Беларуси Архівавана 9 студзеня 2023. (руск.)
• Банк патентов РФ на изобретения и промышленные образцы ФИПС Роспатента (руск.)