Анатоль Навумавіч Разумовіч

Анатоль Навумавіч Разумо́віч^[1] (30 верасня 1936 — 7 ліпеня 1987) — вучоны ў галіне біяхіміі і генетыкі, доктар біялагічных навук (1973), прафесар (1974).

Нарадзіўся ў гарадскім пасёлку Любча (Навагрудскі павет, Навагрудскае ваяводства, зараз у Навагрудскім раёне Гродзенскай вобласці Беларусі). У 1959 годзе скончыў Мінскі медыцынскі інстытут. У 1960—1963 гадах працаваў у Гродзенскім медыцынскім інстытуце. У 1963—1975 гадах — у Сектары геранталогіі Акадэміі навук БССР, дзе з 1971^[1] года займаў пасаду загадчыка лабараторыі. З 1975 года А. Н. Разумовіч у Беларускім дзяржаўным універсітэце (прафесар кафедры біяхіміі^[2]), з 1980 года — у Інстытуце генетыкі і цыталогіі Акадэміі навук БССР.

Аўтар навуковых прац па біялогіі старэння жывых арганізмаў, фізіка-хімічных уласцівасцях сасудзістых і мітахандрыяльных скарачальных бялкоў, малекулярных механізмах энергетычнага абмену.

Сярод апублікаванага:

• Биоэнергетические процессы и старение организма. — Мн.: Наука и техника, 1972;
• Введение в экспериментальную геронтологию / АН БССР, Сектор геронтологии. — Мн.: Наука и техника, 1975 (разам з Т. Л. Дубінай);
• Биоэнергетические процессы при гетерозисе / Л. В. Хотылева, А. Н. Разумович, В. В. Титок и др.; Акад. наук БССР, Ин-т генетики и цитологии, Белорус. о-во генетиков и селекционеров. — Мн.: Наука и техника, 1991.

• Разумовіч Анатоль Навумавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 266. — 10 000 экз. — ISBN 985-11-0035-8. — ISBN 985-11-0216-4 (т. 13).

• Разумович, Анатолий Наумович (доктор биологических наук; 1936—1987)(недаступная спасылка) (руск.) // Электронны каталог ЦНБ НАН Беларусі
• Беларусь у асобах і падзеях. Разумовіч Анатоль Навумавіч. // Нацыянальная бібліятэка Беларусі
• История студенческого научного общества Архівавана 20 красавіка 2021. (руск.) // Сайт Студэнцкага навуковага таварыства Беларускага дзяржаўнага медыцынскага ўніверсітэта