Анатоль Сцяпанавіч Ваньковіч

Анатоль Сцяпанавіч Ваньковіч
Анатоль Сцяпанавіч Ваньковіч
дэпутат Палаты прадстаўнікоў Нацыянальнага сходу Рэспублікі Беларусь[d]
	з 27 кастрычніка 2008
Нараджэнне	13 лістапада 1958 (66 гадоў); Ціхань, Сорагскі сельсавет, Слуцкі раён, Мінская вобласць, БССР, СССР;
Адукацыя	Вільнюскае вышэйшае каманднае вучылішча радыёэлектронікі ППА[d] (1980); Ваенная акадэмія паветрана-касмічнай абароны імя Маршала Савецкага Саюза Г. К. Жукава[d]; Ваенная акадэмія Генеральнага штаба Узброеных Сіл Расійскай Федэрацыі;
Месца працы	Завод дакладнай электрамеханікі;
Ваенная служба
Род войскаў	Ваенна-паветраныя сілы і войскі СПА Рэспублікі Беларусь
Званне	Генерал-маёр
Узнагароды	ганаровая грамата Нацыянальнага сходу Рэспублікі Беларусь

Анатоль Сцяпанавіч Ваньковіч (нар. 13 лістапада 1958(1958-11-13), Ціхань, Мінская вобласць) — беларускі палітык і ваенны дзеяч. Генерал-маёр.

Біяграфія

Закончыў Віленскае вышэйшае ваеннае вучылішча радыёэлектронікі проціпаветранай абароны (камандная, тактычная, аўтаматызаваныя сістэмы кіравання), Ваенную камандную Чырванасцяжную акадэмію проціпаветранай абароны імя Маршала Савецкага Саюза Г. К. Жукава (камандна-штабная і аператыўна-тактычная войскаў проціпаветранай абароны), Акадэмію Генеральнага штаба Узброеных Сіл Расійскай Федэрацыі (ваеннае і дзяржаўнае кіраванне).

Праходзіў вайсковую службу ў якасці камандзіра ўзвода, роты, батальёна, брыгады, начальніка аператыўнага ўпраўлення, займаў пасаду камандуючага войскамі Заходняга аператыўна-тактычнага камандавання ваенна-паветранымі сіламі і войскамі праціпаветранай абароны. З 2003 года з’яўляўся начальнікам галоўнага штаба — першым намеснікам камандуючага ваенна-паветранымі сіламі і войскамі праціпаветранай абароны Узброеных сіл Рэспублікі Беларусь.

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь трэцяга і чацвёртага скліканняў.

З лістапада 2012 года працаваў дырэктарам завода дакладнай электрамеханікі^[1].