Ангеліна Пятроўна Бельцюкова

Ангеліна Пятроўна Бельцюкова (нар. 10 снежня 1924, г. Кіраў, РСФСР) — беларускі мастак дэкаратыўна-прыкладнога мастацтва.

Нарадзілася ў 10 снежня 1924 года ў г. Кіраве (Расія). Скончыла ў 1949 годзе Маскоўскі тэкстыльны інстытут. Удзельніца мастацкіх выставак з 1957 года.

Выкладала ў Львоўскім інстытуце прыкладнога і дэкаратыўнага мастацтва, у 1964—1979 гадах у Беларускім тэатральна-мастацкім інстытуце. Жыве ў Мінску^[2].

Член Беларускага саюза мастакоў з 1972 года^[2].

Працуе ў галіне мастацкага афармлення тканін, распрацоўвае эскізы дэкаратыўных і манументальных габеленаў. Сярод работ: ворсавы дыван «Скалярыі» (1967), габелены «Спадчына» (1979) і «Айчына», габелен-заслона для тэатра музычнай камедыі Беларусі (абодва 1980, усе з А. М. Кішчанкам); «Ружы» (1987), «Світанне» (1988), «Летні дзень» (1989), трыпціх «Абпаленая Белая Русь» (1993) і інш^[2].

Творы мастачкі знаходзяцца ў Нацыянальным мастацкім музеі Беларусі, фондах Беларускага саюза мастакоў, Міністэрства культуры Расіі^[2].

• Бельцюкова Ангеліна Пятроўна // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).
• Бельцюкова Ангеліна Пятроўна // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.