Антоній Валовіч (1750—1822)

Антоній Валовіч
Антоній Валовіч
харунжы надворны літоўскі
	4 сакавіка 1786 — 17 сакавіка 1794
Папярэднік	Караль Храптовіч
Пераемнік	Юзаф Мікалай Нарбут
войскі гарадзенскі[d]
	1784 — 1786
Папярэднік	Ігнацы Ігнатовіч[d]
Пераемнік	Аляксандр Міхал Эйсмант[d]
дэпутат Трыбунала Вялікага Княства Літоўскага[d]
шамбялян[d]
	1778 — 1780
2-і кашталян мерацкі[d]
	17 сакавіка 1794 — 1795
Папярэднік	Антоні Сухадольскі
Нараджэнне	1750
Смерць	5 лістапада 1822
Род	Валовічы
Бацька	Юзаф Валовіч
Маці	Магдалена з Міхневічаў[d]
Жонка	Тэафілія з Матушэвічаў[d] і Юзафата з Пясецкіх[d]
Дзеці	Яўхім Юзаф Валовіч і Яўстахій Валовіч
Член у	Таргавіцкая канфедэрацыя;
Узнагароды

Антоній Валовіч (1750 — 5 лістапада 1822) — дзяржаўны дзеяч.

Біяграфія

Паходзіў са шляхецкага роду Валовічаў герба «Багорыя». Нарадзіўся ў 1750 годзе ў сям’я Юзафа Валовіча і Магдалены з Міхневічаў.

У 1763 годзе як гарадзенскі гродскі суддзіч запісаўся у кнігу Брацтва Св. Міхала Анёла Ахоўніка пры езуіцкім касцёле ў Горадні: «Antoni Wolowicz Sędzic Grodzki Grodzienski». Каралеўскі шамбялян у 1778—1780 гадах, у 1778—1779 i 1785—1786 гадах дэпутат i суддзя Галоўнага Трыбунала Вялікага Княства Літоўскага ад Гарадзенскага павета, войскі гарадзенскі ў 1784—1786 гадах, харужы надворны літоўскі ў 1786—1794 гадах, удзельнік Таргавіцкай канфедэрацыі ў 1792 годзе, кашталян мерацкі ў 1794 годзе, атрымаў графскі тытул у Прусіі i змены у герб (дыплом ад 5 чэрвеня 1798 года).

У 1796 годзе ў Гарадзенскім павеце валодаў фальваркамі: Баршчова (на дажывотным праве), Ялавец (дзедзічны), Каўбасіна (набыты паезуіцкі), Мінкавічы (на дажывотным праве), а таксама дзедзічнымі вёскамі Этра, Максімцы, Ратніца, Уцехі, Віцюны i Жагелі.

Сенатар і кашталян Царства Польскага у 1818 годзе. Памёр 5 лістапада 1822 года.

Сям’я

Жонкі 1. Тэафіля Мікаш. У першым шлюбе з Марцінам Матушэвічам, кашталянам берасцейскім, які памёр у 1773 г. 2. Юзафата Пясецкая, кашталяновая Царства Польскага х 1 voto N Дашкевіч. Уладальніца Доргуня ў Гарадзенскім павеце у 1825 годзе.

Меў сыноў Яўхіма Юзафа (1783—1842) і Яўстахія (1784—1847).

Літаратура

5/2. Антоній // Валовічы ў гісторыі Вялікага княства Літоўскага XV―XVIII стст. / Цэнтр генеалагічных даследаванняў, «Музей "Замкавы комплекс "Мір"» ; [складальнік А. М. Янушкевіч ; навуковы рэдактар А. І. Шаланда]. — Мн.: Медысонт, 2014. — 506 с. — 500 экз. — ISBN 978-985-7085-36-1.