Арлея (возера)

Арлея
Арлея
Морфаметрыя
Вышыня над узроўнем мора	140,3 м
Даўжыня	2,33 км
Шырыня	0,43 км
Плошча	0,65 км²
Аб’ём	0,00123 км³
Даўжыня берагавой лініі	6,2 км
Найбольшая глыбіня	2,7 м
Сярэдняя глыбіня	1,9 м
Гідралогія
Тып мінералізацыі	прэснае
Салёнасць	да 0,107 ‰
Празрыстасць	0,9 м
Басейн
Плошча вадазбору	12,3 км²
Упадаюць	ручаі
Выцякаюць	ручаі
Размяшчэнне
Краіна	Беларусь
Рэгіён	Віцебская вобласць
	; Арлея
	; Арлея

Арле́я — возера ў Беларусі, у Полацкім раёне Віцебскай вобласці ў басейне ракі Сосніца за 43 км на паўночны ўсход ад Полацка.

Назва

Назва Арлея балцкага паходжання.

Найбліжэйшы адпаведнік — назва верхнедняпроўскай ракі Арлея (на ўсходзе ад смаленскага Кардымава)^[2].

Той жа балцкі гідранімічны корань Arl- у назвах ракі Орлік на Верхнім Павоччы (ад яе назва горада Арол), прускага возера Arle^[3].

Далей да гідранімічнага кораня Ar-, які ў назвах Арэса, Аражня (у басейне Пцічы). Ад балцкага *ar-, індаеўрапейскага *ar-, *er- / *or- са значэннем «рухацца»^[4].

Значэнне назвы Арлея звязанае з рухам вады праз гэтае возера — яно праточнае.

Водаапісанне

Плошча паверхні возера 0,65 км². Даўжыня 2,33 км, найбольшая шырыня 0,43 км. Найбольшая глыбіня 2,7 м, сярэдняя 1,9 м.
Катлавіна возера лагчыннага тыпу, выцягнутая з захаду на ўсход. Вышыня схілаў да 2 метраў. Берагавая лінія звілістая. Берагі нізкія, сплавінныя на захадзе. Дно плоскае, выслана сапрапелем. Да глыбіні 1,5 м слаба зарастае. Возера эўтрофнае. У возера ўпадаюць 3 ручаі, у тым ліку Трэшчалі^[5] з возера Грыбна, і выцякае рака Дражбітка, злучаючая Арлею з возерам Болныра.

У возеры водзяцца шчупак, акунь, лешч, плотка, язь, карась і іншыя віды рыб.

Каля паўночна-ўсходняга берага вёска Арлея.

Зноскі

↑ Ліст карты N-35-23 Архівавана 1 мая 2013.
↑ В. Н. Топоров, О. Н. Трубачев. Лингвистический анализ гидронимов Верхнего Поднепровья. Москва, 1962. С. 176.
↑ В. Н. Топоров. Балтийский элемент в гидронимии Поочья. I // Балто-славянские исследования 1986. Москва, 1988. С. 166.
↑ H. Krahe. Unsere ältesten Flussnamen. Wiesbaden, 1964. C. 45-47.
↑ Республика беларусь. Витебская область. Полоцкий район: карта / Ред. В. А. Змачинская. — Мн.: Белкартография, 2012. — 5 000 экз. (руск.)

Літаратура

Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 21. — 72 с. — 10 000 экз. — ISBN 978-985-508-136-5. (руск.)
Республика Беларусь. Витебская область. Полоцкий район: карта / Ред. В. А. Змачинская. — Мн.: Белкартография, 2012. — 5 000 экз. (руск.)