Аўтамабільныя дарогі Азербайджана

Аўтамабільныя дарогі Азербайджана — сетка аўтамабільных дарог на тэрыторыі Азербайджана, якая аб’ядноўвае паміж сабой населеныя пункты і асобныя аб’екты і прызначана для руху транспартных сродкаў, перавозу пасажыраў і грузаў.

Развіццё дарожнай сеткі ў Азербайджане пачалося з сярэдзіны XIX стагоддзя будаўніцтвам гужавых брукаваных дарог. Большая частка дарожнай сеткі была засяроджаная ў межах Бакінскай губерні і прызначалася для палягчэння транспарціроўкі нафты і нафтапрадуктаў: іх перавозілі на арбах, караванным метадам. Тады ж, у 1850 годзе была пабудавана першая шашэйная дарога ў Азербайджане, у Елізаветпальскай губерні паблізу пасёлка Абдаляр. У 1860 пабудавана шаша Еўлах — Шуша — Нахічэвань — Эрывань. Большая частка аўтагужавых дарог на пачатку XX стагоддзя былі грунтавымі, толькі 209 км мелі цвёрдае пакрыццё. Асноўным сродкам перамяшчэння па конных дарогах былі легкавыя рамізнікі — фаэтоны.

Агульная працягласць: 59 141 км, з іх 29 210 км з цвёрдым пакрыццём. Дэпартаментам «Йолнаглиййетсервис» (азерб.: Yolnəqliyyatservis) Міністэрства транспарту Азербайджана эксплуатуецца і абслугоўваецца 22 134 км магістральных дарог краіны. З іх 1 684 км складаюць міжнародныя магістралі, 2 669 — стратэгічна важныя, 13 тыс. км — мясцовай важнасці, 1,5 км — на тэрыторыі Баку, 3,3 тыс. км — на тэрыторыі рэгіёнаў. Агульная колькасць мастоў на тэрыторыі краіны складае 1 201.

• Транспарт Азербайджана
• Індэкс аўтамабільных нумароў Азербайджана

Для паляпшэння артыкула пажадана Знайсці і дадаць спасылкі на аўтарытэтныя крыніцы, якія пацвярджаюць напісанае