Баброва (Махаўскі сельсавет)

Вёска Баброва Краіна Беларусь Вобласць Магілёўская Раён Магілёўскі Сельсавет Махаўскі Каардынаты 53°40′35″ пн. ш. 30°35′45″ у. д.HGЯO Насельніцтва ▼21 чал. (2009) Часавы пояс UTC+3 Тэлефонны код +375 222 Паштовыя індэксы 213106 Аўтамабільны код 6 СААТА 7244824006 Баброва на карце Беларусі ±

Бабро́ва^[1] (трансліт.: Babrova, руск.: Боброво) — вёска ў Магілёўскім раёне Магілёўскай вобласці. Уваходзіць у склад Махаўскага сельсавета. Размешчана за 33 км на паўднёвы ўсход ад Магілёва, за 20 км ад чыгуначнай станцыі Раста на лініі Магілёў—Крычаў. Рэльеф раўнінны, на поўдзень мяжуе з лесам. Транспартныя сувязі па мясцовай дарозе праз в. Вялікая Дубраўка і далей па шашы Магілёў—Слаўгарад.

Заснавана ў пачатку 1920-х гадоў. З 20 жніўня 1924 года ў Махаўскім сельсавеце Лупалаўскага раёна Магілёўскай акругі (да 26 ліпеня 1930), з 2 сакавіка 1931 года ў Магілёўскім раёне, з 20 лютага 1938 года ў Магілёўскай вобласці. У 1930-х г. вяскоўцы ўступілі ў калгас.

У Вялікую Айчынную вайну з ліпеня 1941 года да 27 чэрвеня 1944 года акупіравана нямецка-фашысцкімі захопнікамі. У 1990 годзе ў складзе саўгаса «Махава» (цэнтр — в. Махава).

Планіроўка Г-падобная. Да кароткай просталінейнай вуліцы амаль шыротнай арыентацыі далучаецца з поўначы другая кароткая просталінейная вуліца. Забудавана двухбакова, шчыльна традыцыйнымі драўлянымі дамамі сядзібнага тыпу.

• XX стагоддзе:
  • 1990 — 24 гаспадаркі, 54 жыхары.
• XXI стагоддзе:
  • 2007 — 20 гаспадарак, 32 жыхары.

• Баброва // Гарады і вёскі Беларусі: Энцыклапедыя. Т. 6, кн. 2. Магілёўская вобласць / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2009. — 592 с.: іл. — 2 000 экз. — ISBN 978-985-11-0440-2.

• На Вікісховішчы пакуль няма медыяфайлаў па тэме, але Вы можаце загрузіць іх