Базельскі ўніверсітэт

Базельскі ўніверсітэт
Базельскі ўніверсітэт
	ням.: Universitat Basel
Арыгінальная назва	ням.: Universitat Basel
Заснаваны	4 красавіка 1460
Студэнты	12,955 (2012)
Дактары	317
Краіна	Швейцарыя;
Размяшчэнне	Базель
Сайт	unibas.ch
	Медыяфайлы на Вікісховішчы

Базельскі ўніверсітэт (ням.: Universität Basel) — вышэйшая навучальная ўстанова ў Базелі, найстарэйшы ўніверсітэт Швейцарыі. Акадэмічны рэйтынг універсітэтаў свету ў 2009 годзе змясціў Базельскі ўніверсітэт на 85-ю пазіцыю. Універсітэт уваходзіць у асацыяцыю ўніверсітэтаў Еўропы Утрэхцкая сетка.

Гісторыя

Універсітэт быў заснаваны булай рымскага папы Пія II 12 лістапада 1459. Першапачаткова ўніверсітэт меў чатыры традыцыйныя факультэты: вольных мастацтваў, медыцыны, права і тэалогіі. У 1622 годзе была заснавана ўніверсітэцкая бібліятэка; сёння яна найбуйнейшая ў Швейцарыі. У 1818 годзе факультэт свабодных мастацтваў быў рэарганізаваны. Яшчэ адна рэарганізацыя адбылася ў 1937 годзе. З 1890 года ва ўніверсітэце атрымалі магчымасць навучацца жанчыны.

Структура

Факультэт бізнесу і эканомікі
Медыцынскі факультэт
Псіхалагічны факультэт
Тэалагічны факультэт
Філасофска-прыродазнаўчы факультэт
Філасофска-гістарычны факультэт
Юрыдычны факультэт

Ва ўніверсітэце вядуцца міждысцыплінарныя даследаванні і рыхтуюцца спецыялісты ў Інстытуце Еўропы, Цэнтрах іудаікі, «Чалавек - Грамадства - Навакольнае асяроддзе», афрыканскіх даследаванняў, культурнага менеджменту і гендэрных даследаванняў. Таксама дзейнічаюць Швейцарскі інстытут тропікаў і грамадскага здароўя і Інстытут біамедыцынскіх даследаванняў імя Фрыдрыха Мішэра.