Брызгліна бародаўчатая

Брызгліна бародаўчатая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Брызглінакветныя Сямейства:  Брызглінавыя Падсямейства:  Celastroideae Род:  Брызгліна Від:  Брызгліна бародаўчатая
Міжнародная навуковая назва
Euonymus verrucosus Scop. (1771)
Ахоўны статус
Выклікаюць найменшыя асцярогі IUCN 3.1 Least Concern : / 63526
Сістэматыка на Віківідах Выявы на Вікісховішчы NCBI   1089408 EOL   2888852 IPNI   161173-1 TPL   kew-2803688

Брызгліна бародаўчатая (Euonymus verrucosa) — лістападны куст сямейства брызглінавых. Народныя назвы: брузглявіна, страмяніна, трамяліна, бружнеўнік.

Куст вышынёй 1—2 м, з круглаватымі галінкамі, укрытымі рыжаватымі або чорна-бурымі бародаўкамі. Лісце падоўжана-эліпсоіднае, па краі зубчастае. Кветкі дробныя, зеленавата-жоўтыя. непрыкметныя, у 3—9-кветкавым парасоніку. Каробачкі канічныя, цёмна-чырвоныя, чатырохлопасцевыя, прыплюснута-грушападобныя. Насенне чорнае, бліскучае, з ярка-чырвонымі прынасеннікамі.

Расліна распаўсюджана на тэрыторыі Еўропы, на Каўказе, Малой Азіі, у Іране, Кітаі, Японіі, Карэі. На Беларусі трапляецца па ўсёй тэрыторыі. Расце ў хвойных і мяшаных лясах, у хмызняку на берагах рэк, у ярах. Цвіце ў маі—чэрвені, плады выспяваюць у верасні—кастрычніку.

Гутаперчаносная, фарбавальная і лекавая расліна.

• Вынаеў Г. У., Анціпаў В. Р. Брызгліна // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.