Брызгліна еўрапейская

Брызгліна еўрапейская
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Брызглінакветныя Сямейства:  Брызглінавыя Падсямейства:  Celastroideae Род:  Брызгліна Вид:  Брызгліна еўрапейская
Міжнародная навуковая назва
Euonymus europaeus L., 1753
Ахоўны статус
Выклікаюць найменшыя асцярогі IUCN 3.1 Least Concern : / 79913822
Сістэматыка на Віківідах Выявы на Вікісховішчы ITIS   27949 NCBI   123417 EOL   487588 GRIN   t:16258 IPNI   160876-1 TPL   kew-2803293

Брызгліна еўрапейская (Euonymus europaeus) — лістападны куст сямейства брызглінавых. Народныя назвы: браздзельнік, бразгуліна, бруслён, гіржамяліна, сухалеснік.

Куст вышынёй 2—5 м, з гладкімі зялёнымі тупачатырохграннымі галінкамі, па гранях з бурымі акаркавелымі рэбрамі. Лісце простае, суцэльнае, адваротнаяйцападобнае або падоўжана-эліпсоіднае, цёмна-зялёнае, злёгку скурыстае, з гладкім краем. Кветкі жаўтавата-зялёныя, у 2—5-кветкавых паўпарасоніках. Каробачкі шара-грушападобныя. Насенне белае з аранжавымі прынасеннікамі.

Расліна распаўсюджана на тэрыторыі Еўропы, ва ўмераных абласцях Заходняй Азіі, на Каўказе. На тэрыторыі Беларусі сустракаецца на паўночна-ўсходняй мяжы суцэльнага пашырэння. Ценевынослівая расліна, мезафіт і эўтроф. Расце ў шыракалістых і мяшаных лясах, у зарасніках хмызняку па далінах рэк і схілах яроў. Цвіце ў чэрвені, плады выспяваюць у верасні.

Плады з ванітоўнымі і слабільнымі ўласцівасцямі выкарыстоўваюцца ў медыцыне.

• Вынаеў Г. У., Анціпаў В. Р. Брызгліна // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.

• Бересклет европейский: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Euonymus europaea L. — Бересклет европейский // ИАС «ООПТ России» (руск.)