Будынак мужчынскай гімназіі (Магілёў)

Будынак мужчынскай гімназіі
	Славутасць
Будынак мужчынскай гімназіі
	53°54′02″ пн. ш. 30°20′22″ у. д.HGЯO
Краіна	Беларусь
Горад	Магілёў;
Архітэктурны стыль	класіцызм
Дата пабудовы	1809 год
Статус	Гісторыка-культурная каштоўнасць Беларусі, шыфр 512Е000001шыфр 512Е000001
	Медыяфайлы на Вікісховішчы

Будынак былой мужчынскай гімназіі — будынак у Магілёве, помнік архітэктуры класіцызму. Узведзены ў 1809 г. на цэнтральнай вуліцы горада Ветранай (сучасная вул. Ленінская, 41). Цяпер у ім размешчаная сярэдняя школа № 3. Помнік рэспубліканскага значэння.

Архітэктура

Двухпавярховы Г-падобны ў плане мураваны будынак, да прамавугольнага асноўнага аб’ёму з боку дваровага фасада прылягае кароткае крыло. Галоўны фасад вылучаны трыма несапраўднымі рызалітамі (цэнтральны з уваходам і два бакавыя), пакрыты рустам. Паверхі аддзеленыя карнізным паяском. Сцены рытмічна расчлянёныя прамавугольнымі аконнымі праёмамі з простымі ліштвамі, завершаны тонкапрафіляваным карнізам. У аснову планіроўкі пакладзена калідорная сістэма: вакол цэнтральнага калідора з 2 бакоў размешчаны класныя памяшканні. У XIX ст. будынак быў пашкоджаны пажарам, неаднаразова перабудоўваўся.

Мемарыяльная дошка

Мемарыяльная дошка Панцеляймону Мікалаевічу Лепяшынскаму і Ота Юльевічу Шміту. Устаноўлена ў 1967 г. на ўшанаванне памяці прафесійнага рэвалюцыянера, паплечніка У. Леніна П. М. Лепяшынскага і савецкага вучонага матэматыка, астранома, геафізіка, даследчыка савецкай Арктыкі, Гороя Савецкага Саюза, акадэміка Акадэміі навук СССР і УССР О. Ю. Шміта, якія вучыліся ў Магілёўскаіі гімназіі^[1].