Бярозаўскае (возера, Глыбоцкі раён)

Бярозаўскае
Бярозаўскае
Морфаметрыя
Вышыня над узроўнем мора	142 м
Даўжыня	1,12 км
Шырыня	0,87 км
Плошча	0,56 км²
Аб’ём	0,00103 км³
Даўжыня берагавой лініі	4,3 км
Найбольшая глыбіня	3,2 м
Сярэдняя глыбіня	1,8 м
Гідралогія
Салёнасць	да 0,311 ‰
Празрыстасць	0,5 м
Басейн
Плошча вадазбору	4,2 км²
Упадаюць	рака Паловіца
Выцякаюць	рака Паловіца
Размяшчэнне
Краіна	Беларусь
Рэгіён	Віцебская вобласць
	; Бярозаўскае
	; Бярозаўскае

Бяро́заўскае — возера ў Глыбоцкім раёне Віцебскай вобласці Беларусі ў басейне ракі Паловіца, за 16 км на поўнач ад горада Глыбокае, за 0,5 км ад вёскі Залессе.

Плошча паверхні 0,56 км². Даўжыня 1,12 км, найбольшая шырыня 0,87 км. Даўжыня берагавой лініі 4,3 км. Найбольшая глыбіня 3,2 м, сярэдняя 1,8 м. Аб’ём вады 1,03 млн м³. Плошча вадазбору 4,2 км².
Катлавіна Бярозаўскага возера тэрмакарставага тыпу, выцягнутая ш напрамку з поўначы на поўдзень. Схілы катлавіны вышынёй да 8 м, на ўсходзе і паўднёвым усходзе да 15—20 м, пераважна разараныя. Берагавая лінія слабазвілістая, у паўднёвай частцы ўтварае заліў. Берагі пясчаныя, паўночна-ўсходнія і паўднёва-ўсходнія забалочаныя. Вакол возера тарфяністая пойма шырынёй да 300 метраў. Возера складаецца з двух плёсаў, злучаных пралівам. Мелкаводдзе пясчанае, глыбей дно ілістае. Дно паўночнага плёса выслана пераважна крэменязёмістым сапрапелем.
Возера эўтрофнае, слабапраточнае. Праз возера працякае рака Паловіца. Шырыня паласы расліннасці 8—75 м да глыбіні 1,8 м. Паўднёвы плёс і праліў паміж плёсамі зарастаюць цалкам.

У возеры водзяцца шчупак, лінь, плотка, краснапёрка, карась і іншыя віды рыб.

Зноскі

↑ Ліст карты N-35-32. Выданне 1980 года. (руск.)

Літаратура

Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).
Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 18. — 72 с. — 10 000 экз. — ISBN 978-985-508-136-5. (руск.)