Біялагічны факультэт ГДУ імя Ф. Скарыны

Біялагічны факультэт ГДУ імя Ф. Скарыны
Гомельскі дзяржаўны ўніверсітэт імя Францыска Скарыны
Дэкан	Віктар Сяргеевіч Аверын
Адрас	Беларусь, г. Гомель, вул. Савецкая 108, корпус 1
biology.gsu.by

Біялагічны факультэт ГДУ імя Ф. Скарыны — адзін з факультэтаў Гомельскага дзяржаўнага ўніверсітэта імя Францыска Скарыны.

Факультэт быў арганізаваны на базе хіміка-біялагічнага аддзялення Гомельскага дзяржаўнага педагагічнага інстытута ў 1930 годзе, а пазней стаў называцца біёлага-глебавым факультэтам з аддзяленнямі заалогіі, батанікі і фізіялогіі раслін, фізіялогіі чалавека і жывёл.

Першым загадчыкам хіміка-біялагічнага аддзялення быў І. М. Марголін. Пасля перайменавання ВНУ ў Гомельскі дзяржаўны педагагічны інстытут імя В. П. Чкалава дэканам хіміка-біялагічнага факультэта стаў доктар сельскагаспадарчых навук, прафесар Ф. М. Харытановіч (быў таксама загадчыкам кафедры фізіялогіі раслін і асноў сельскай гаспадаркі).

Асноўная навуковая дзейнасць накіравана на распрацоўку эфектыўных і эканамічна мэтазгодных шляхоў устойлівага развіцця забруджаных радыенуклідамі тэрыторый, удасканаленне мерапрыемстваў па абароне насельніцтва ў выпадку аварый на атамных станцыях і доўгатэрміновага пражывання на тэрыторыі радыеактыўнага забруджвання. Навуковае забеспячэнне і суправаджэнне рэабілітацыйных і абаронных мерапрыемстваў^[1].

• Кафедра батанікі і фізіялогіі раслін
• Кафедра заалогіі, фізіялогіі і генетыкі
• Кафедра хіміі
• Кафедра лесагаспадарчых дысцыплін

• Біялогія (навукова-педагагічная дзейнасць)
• Лясная гаспадарка

• І. М. Марголін
• Фёдар Мікалаевіч Харытановіч (1975—?)
• Леанід Міхайлавіч Сапегін (1978—1982)
• Віктар Сяргеевіч Аверын