Вадзяны млын (Каменнае Крывое)

Славутасць
Вадзяны млын
54°20′02″ пн. ш. 29°47′10″ у. д.HGЯO
Краіна	Беларусь
Вёска	Каменнае Крывое
Тып будынка	вадзяны млын
Дата пабудовы	ХІХ стагоддзе
Статус	Гісторыка-культурная каштоўнасць Беларусі, шыфр 213Г000885шыфр 213Г000885
Стан	руіны
Глобус Беларусі	globustut.by/kamennoe-k/…
Медыяфайлы на Вікісховішчы

Вадзяны млын — колішні прамысловы будынак у вёсцы Каменнае Крывое Талачынскага раёна Віцебскай вобласці. Знаходзіцца на рацэ Крывой, каля аўтамабільнай дарогі Талачын — Круглае.

Узведзены з чырвонай цэглы ў другой палове ХІХ — пачатку XX стагоддзя. Млын належаў памешчыкам Гардзялкоўскім і функцыянаваў да пачатку Другой сусветнай вайны.

У 1990-х гадах будынак быў набыты і абсталяваны пад прыдарожную кавярню. Але неўзабаве ён згарэў, і аднаўляць яго ніхто не стаў^[1].

Пастановай Савета Міністраў Рэспублікі Беларусь № 1288 ад 3 верасня 2008 года вадзяному млыну быў нададзены статус гісторыка-культурнай каштоўнасці рэгіянальнага значэння.

Трохпавярховы прамавугольны ў плане будынак з двухсхільным дахам, да якога прымыкала аднапавярховае працоўнае памяшканне.

Масіўныя сцены прарэзаны невялікімі прамавугольнымі вокнамі. На першым паверсе знаходзілася турбіна, на другім — жорны, на трэцім — гаспадарчыя памяшканні^[2].

• Орловский, А. Здесь была мельница / А. Орловский, С. Иванов // Наша Талачыншчына. — 2009. — 5 верас. — С. 4.
• Пяць прычын наведаць Талачынскі раён / падрыхт. Н. Чарнічэнка // Віцьбічы = Витьбичи. — 2019. — 16 февр. — С. 5-6.

• Вадзяны млын (Каменнае Крывое) на сайце Глобус Беларусі (руск.)
• Вадзяны млын (Каменнае Крывое) на сайце Radzima.org
• Вадзяны млын (Каменнае Крывое) на сайце «Архіварта»