Валерый Аляксандравіч Максімовіч

Валерый Аляксандравіч Максімовіч
Валерый Аляксандравіч Максімовіч
Дата нараджэння	21 сакавіка 1962 (63 гады)
Месца нараджэння	Траянец, Крайскі сельсавет, Плешчаніцкі раён, Мінская вобласць, БССР, СССР;
Грамадзянства	Беларусь;
Род дзейнасці	паэт, літаратуразнавец
Месца працы	БДУ; Інтэграл; Інстытут мовы і літаратуры імя Якуба Коласа і Янкі Купалы НАНБ;
Навуковая ступень	доктар філалагічных навук
Альма-матар	Мінскі дзяржаўны каледж электронікі[d]; філалагічны факультэт БДУ;
Член у	Саюз пісьменнікаў Беларусі;
Прэміі	прэмія Нацыянальнай акадэміі навук Беларусі (2003)
Узнагароды	Падзячнае пісьмо Прэзідэнта Рэспублікі Беларусь[d] (2006) грамата Міністэрства адукацыі Рэспублікі Беларусь (2009) Ганаровая грамата Міністэрства культуры Беларусі[d] (2011) Ганаровая грамата Міністэрства адукацыі Рэспублікі Беларусь (2017)

Валерый Аляксандравіч Максімовіч (нар. 21 сакавіка 1962, в. Траянец, Плешчаніцкі раён, Мінская вобласць) — беларускі паэт, літаратуразнаўца, крытык, аўтар вучэбных і вучэбна-метадычных дапаможнікаў для вышэйшай школы і настаўнікаў. Доктар філалагічных навук (2003), намеснік дырэктара Інстытута мовы і літаратуры імя Якуба Коласа і Янкі Купалы НАН Беларусі.

Біяграфія

Пасля заканчэння Бялянскай ВШ (1977) і Завішынскай СШ (1979) навучаўся ў тэхнічным вучылішчы № 76 электронікі (г. Мінск), працаваў слесарам-інструментальшчыкам 4 разрада вытворчага аб’яднання «Інтэграл». Служыў у Савецкай арміі (1980—1982, ГДР). Навучаўся на падрыхтоўчым аддзяленні БДУ (1983—1984). У 1989 годзе скончыў філалагічны факультэт Беларускага дзяржаўнага універсітэта па спецыяльнасці «Беларуская і руская мова і літаратура».

Педагагічную працу распачынаў ў Зарэчанскай базавай школе Лагойскага раёна. У 1989—1992 гадах — аспірант кафедры беларускай літаратуры філалагічнага факультэта БДУ. У 1993 годзе абараніў кандыдацкую дысертацыю на тэму "Паэзія «Узвышша: эстэтыка слова і асаблівасці паэтычнага майстэрства» (навуковы кіраўнік член-карэспандэнт НАН Беларусі А. А. Лойка). Са снежня 1992 па верасень 2003 год працаваў выкладчыкам, дацэнтам кафедры беларускай літаратуры БДУ.

У 1996 годзе выконваў абавязкі намесніка дэкана філалагічнага факультэта згаданай установы. У 2002 годзе абараніў доктарскую дысертацыю «Тэндэнцыі мадэрнізму ў эстэтычнай ідэнтыфікацыі беларускай літаратуры пачатку ХХ ст.». З кастрычніка 2003 па студзень 2006 года займаў пасаду першага прарэктара Беларускай дзяржаўнай акадэміі мастацтваў. Са студзеня 2006 па люты 2008 выконваў абавязкі дырэктара Інстытута літаратуры імя Янкі Купалы НАН Беларусі. У дадзены час выконвае абавязкі намесніка дырэктара Інстытута мовы і літаратуры імя Якуба Коласа і Янкі Купалы НАН Беларусі.

Узнагароды

Узнагароджаны Ганаровай граматай Адміністрацыі Першамайскага раёна г. Мінска (2005) і лістом з Падзякай ад Прэзідэнта Рэспублікі Беларусь (2006). Лаўрэат прэміі НАН Беларусі (2003).

Зноскі

Літаратура

Беларуская энцыклапедыя : у 18 т. — Мінск, 2004. — Т. 18, кн. 1. — С. 425.
Культура Беларусі : энцыклапедыя : [у 6 т.]. — Мінск, 2014. — Т. 5. — С. 321.
Літаратура і мастацтва. — 2012. — 14 верасня (№ 37). — С. 20.
Максім Багдановіч : энцыклапедыя. — Мінск, 2011. — С. 328.
Минская область : энциклопедия : [в 2 т.]. — Минск, 2007. — Т. 2. — С. 319.
Новыя кнігі : па старонках беларускага друку : штомесячны бібліяграфічны бюлетэнь / Нацыянальная бібліятэка Беларусі. — 2011. — № 8. — С. 18 дадатку «Беларускі каляндар, 2012 год».
Полымя. — 2012. — № 9. — С. 150—146.
Республика Беларусь : энциклопедия : [в 7 т.]. — Минск, 2007. — Т. 4. — С. 622—623.
Роднае слова. — 2012. — № 3. — С. 19.