Валерый Паўлавіч Міронаў

Валерый Паўлавіч Міронаў
Дата нараджэння	7 красавіка 1927(1927-04-07)
Месца нараджэння	Гагарын, Гжацкі павет, Смаленская губерня, РСФСР, СССР
Дата смерці	27 ліпеня 2008(2008-07-27) (81 год)
Грамадзянства	СССР  Беларусь
Адукацыя	Маскоўская дзяржаўная акадэмія харэаграфіі[d] (1947)
Прафесія	артыст балета, педагог
Тэатр	Дзяржаўны акадэмічны Вялікі тэатр оперы і балета БССР Беларускае дзяржаўнае харэаграфічнае вучылішча
Узнагароды

Валерый Паўлавіч Міро́наў (7 красавіка 1927, г. Гагарын, Смаленская вобласць, Расія — 27 ліпеня 2008^[1]) — беларускі артыст балета і педагог. Народны артыст БССР (1966).

У 1947 годзе пасля сканчэння класа ўдасканалення кваліфікацыі Маскоўскага харэаграфічнага вучылішча зрабіўся адным з вядучых салістаў Дзяржаўнага тэатра оперы і балета Беларусі (да 1969 года).

У 1949—1978 гадах адначасова працаваў педагогам Беларускага харэаграфічнага вучылішча.

Танцоўшчык пераважна лірычнага плана, з рамантычнай накіраванасцю.

Мастацтва Міронава вызначалі пераканальнасць у раскрыцці ўнутранага свету персанажаў, чысціня і лёгкасць выканання, высокая тэхніка дуэтнага танца.

У нацыянальных балетах стварыў рэльефныя вобразы Васіля («Князь-возера» В. Залатарова), Алеся («Святло і цені» Г. Вагнера).

Да найбольш значных творчых дасягненняў артыста належаць партыі Зігфрыда, Дэзірэ, Прынца («Лебядзінае возера», «Спячая прыгажуня» і «Шчаўкунок» П. Чайкоўскага), Вацлава («Бахчысарайскі фантан^[ru]» Б. Асаф’ева), Гармодыя («Спартак^[ru]» А. Хачатурана), Салора («Баядэрка^[ru]» Л. Мінкуса), Елісея («Казка пра мёртвую царэўну» У. Дзешавова на тэмы А. Лядава).

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 467. — 10 000 экз. — ISBN 985-11-0035-8. — ISBN 985-11-0169-9 (т. 10).
• Валерый Паўлавіч Міронаў // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.
• Міронаў Валерый Паўлавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 497. — 800 с. — 5 000 экз. — ISBN 985-11-0026-9.
• Балет: энциклопедия. / Гл. ред. Ю. Н. Григорович. — М.: Советская энциклопедия, 1981. — 623 стр. с илл.

• Принц, танцовщик, воин: 95 лет со дня рождения народного артиста БССР Валерия Миронова // СБ. Беларусь сегодня
• Валерий Миронов, один из самых ярких солистов белорусского балета // СБ. Беларусь сегодня]
• Принц белорусского балета (руск.) // Вялікі тэатр Беларусі
• Валерий Миронов // КИНО-ТЕАТР.РУ (руск.)