Валерый Фёдаравіч Залужны

Валерый Фёдаравіч Залужны
Валерый Фёдаравіч Залужны
	укр.: Валерій Федорович Залужний
Commander-in-Chief of the Armed Forces of Ukraine[d]
	27 ліпеня 2021 — 8 лютага 2024
Папярэднік	Ruslan Khomchak[d]
Пераемнік	Аляксандр Станіслававіч Сырскі
камандзір
	2019 — 2021
Нараджэнне	8 ліпеня 1973 (51 год); Звягель, Жытомірская вобласць, УССР, СССР;
Адукацыя	Нацыянальны ўніверсітэт абароны Украіны імя Івана Чарняхоўскага; Астрожская акадэмія; Адэская ваенная акадэмія;
Навуковая ступень	доктар філасофіі (2023)
Дзейнасць	ваенная справа і дыпламатыя
Аўтограф
Прыналежнасць	Украіна
Род войскаў	Сухапутныя войскі Украіны
Званне	генерал арміі Украіны[d]
Камандаваў	24-я асобная механізаваная брыгада, Украіна, 51st Mechanized Brigade[d] і Operational Command North[d]
Бітвы	вайна на ўсходзе Украіны; уварванне Расіі ва Украіну (2022);
Узнагароды	;
	Медыяфайлы на Вікісховішчы

Валерый Фёдаравіч Залужны (нар. 8 ліпеня 1973, Наваград-Валынскі, Жытомірская вобласць, Украінская ССР) — украінскі военачальнік, дыпламат. Галоўнакамандуючы Узброенымі сіламі Украіны (2021—2024), генерал (2022). Герой Украіны (2024).

Біяграфія

Нарадзіўся ў Наваград-Валынскім 8 ліпеня 1973 года. У 1989 годзе скончыў гарадскую школу № 9, паступіў у Наваград-Валынскі машынабудаўнічы тэхнікум, які скончыў у 1993 годзе з адзнакай^[4].

Пазней паступіў на агульнавайскавы факультэт Адэскага вышэйшага аб’яднанага каманднага вучылішча. У 1997 годзе з адзнакай скончыў вучобу, пасля чаго прайшоў усе прыступкі ваеннай службы: камандзір узвода, камандзір навучальнага ўзвода, камандзір баявога ўзвода, камандзір вучэбнай роты, камандзір роты курсантаў, камандзір батальёна^[4].

У 2005 годзе паступіў у Нацыянальную акадэмію абароны Украіны, у 2007 годзе скончыў навучанне з залатым медалём, прызначаны на пасаду начальніка штаба першага намесніка камандзіра 24-й асобнай механізаванай брыгады. На гэтай пасадзе паспяхова праходзіў службу на працягу двух з паловай гадоў^[5].

З 2009 па 2012 год узначальваў 51-ю асобную механізаваную брыгаду (укр.) (бел.^[6].

У 2014 годзе скончыў Нацыянальны універсітэт абароны Украіны імя Івана Чарняхоўскага. Як лепшы выпускнік аператыўна-стратэгічнага ўзроўню падрыхтоўкі узнагароджаны пераходзячым мячом каралевы Вялікабрытаніі^[7].

У 2017 годзе прысвоена званне «генерал-маёр»^[8].

У 2017 годзе — начальнік штаба-першы намеснік камандуючага войскамі аператыўнага камандавання «Захад» (укр.) (бел. Сухапутных войскаў Узброеных Сіл Украіны^[8].

З 2018 па 2019 год быў начальнікам Аб'яднанага аператыўнага штаб УСУ (укр.) (бел. — першым намеснікам камандуючага аб’яднанымі сіламі.

З 2019 года — камандуючы войскамі аператыўнага камандавання «Поўнач» (укр.) (бел..

У снежні 2020 года — скончыў магістэрыум Астрожскай акадэміі па спецыяльнасці «міжнародныя адносіны».

27 ліпеня 2021 года прызначаны галоўнакамандуючым Узброеных сіл Украіны, дзе на пасадзе замяніў Руслана Хамчака (укр.) (бел.^[9].

Член СНБА (з 28 ліпеня 2021)^[10].

Яго называюць адным з найбольш адкрытых генералаў, які разумее праблемы салдат і малодшых афіцэраў. Як прадстаўнік ўкраінскіх вышэйшых афіцэраў і ўдзельнік баявых дзеянняў на Данбасе, не праходзіў вайсковай службы ў СССР, станоўча ставіцца да абнаўлення асабовага складу маладымі людзьмі і адыходу ад савецкіх практык.

8 лютага 2024 года Валерыя Залужнага на пасадзе галоўнакамандуючага Узброенымі сіламі Украіны змяніў Аляксандр Сырскі.

У ліпені 2024 года Валерый Залужны прыступіў да выканання абавязкаў Надзвычайнага і Паўнамоцнага пасла Украіны ў Злучаным Каралеўстве Вялікабрытаніі і Паўночнай Ірландыі.