Валянцін Антонавіч Кірыленка

Валянцін Антонавіч Кірыленка (25 снежня 1928, в. Кругавец, Гомельская вобласць — 3 ліпеня 1995) — беларускі мастак дэкаратыўна-прыкладнога мастацтва (фарфор).

Нарадзіўся 25 снежня 1928 года ў вёсцы Кругавец Гомельскай вобласці. Скончыў у 1957 годзе Львоўскі інстытут прыкладнога і дэкаратыўнага мастацтва. Вучыўся ў Т. Паражняка, М. Бяляева, І. Скабалы. Удзельнік мастацкіх выставак з 1957 года^[2].

Член Беларускага саюза мастакоў з 1964 года^[2].

Працаваў у 1957-1995 гадах на Мінскім фарфоравым заводзе^[2].

Памёр 3 ліпеня 1995 года^[2].

Працаваў у галіне прыкладнога мастацтва (фарфор). Асноўныя творы: дэкаратыўныя вазы «Палессе», «40 гадоў БССР», «Сузор’е»; вазы для кветак «Васількі», «Колас», «Ваўчок», «Кветкі», «Народная», «Перамога», «Блакітная», «Усход»; чайны сервіз «Блакітныя лісты»; наборы графінаў для лікёру, гарлачоў, шклянак^[2].

Творы знаходзяцца ў Нацыянальным мастацкім музеі Беларусі, музеі фарфоравага завода ў Мінску, фондах БСМ^[2].

• Кірыленка Валянцін Антонавіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.