Валянцін Барысавіч Нямцоў

Валянцін Барысавіч Нямцо́ў^[1] (24 лютага 1936(1936-02-24), Навасёлкі, Пухавіцкі раён — 14 мая 2012(2012-05-14)) — беларускі вучоны ў галіне статыстычнай механікі. Кандыдат тэхнічных навук (1965), доктар фізіка-матэматычных навук (1988), прафесар (1989).

Скончыў Беларускі лесатэхнічны інстытут (1959), аспірантуру Беларускага політэхнічнага інстытута (1964).

Працаваў у Беларускім дзяржаўным тэхналагічным універсітэце з 1966 года, загадчык кафедры тэарэтычнай механікі з 1992 па 2001 год. З 2001 года прафесар кафедры тэарэтычнай механікі^[2]. Член Міжнароднага таварыства па вадкіх крышталях, член рэдкалегіі Міжнароднага часопіса «Нелінейныя з’явы ў складаных сістэмах».

Тэарэтычная і прыкладная механіка, статыстычная механіка і тэрмадынаміка раўнаважных і нераўнаважных працэсаў у |вадкіх крышталях, фізіка кандэнсаваных сістэм (вадкіх крышталёў, малекул ДНК, біялагічных мембран).

• Міляшкевіч Я. Г. Нямцо́ў Валянцін Барысавіч // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 410. — 10 000 экз. — ISBN 985-11-0035-8. — ISBN 985-11-0188-5 (т. 11).

• Нямцоў, Валянцін Барысавіч (кандыдат тэхнічных навук; доктар фізіка-матэматычных навук; нар. 1936) // Зводны электронны каталог бібліятэк Беларусі
• Немцов, Валентин Борисович (кандидат технических наук; доктор физико-математических наук; род. 1936) (руск.) // Электронны каталог РНТБ