Валімонт Бушкавіч

Валімонт Бушкавіч (каля 1350 — 1399) — уплывовы літоўскі баярын, сын Бушкі.

Імя Валімонт (Валі'мант, Ва'лмант)— з шэрагу старабалцкіх (старалітоўскіх) двухасноўных імёнаў, што дайшлі з індаеўрапейскай старажытнасці^[2].

Абедзве асновы гэтага імя, Val-, Mant-, вядомыя і ў сучаснай літоўскай антрапаніміі, і ў старапрускім іменніку^[3][4].

Згадваецца сведкай ў Салінскім дагаворы (1398) як Walmundt Buschken son/Walymundt filius Busken, загінуў у бітве на Ворскле (1399), сярод ўдзельнікаў згадваецца як верхавод літоўскага баярства.

Меў сыноў Яўнута, Кезгайлу, Румбаўда (Румбольда), Шэдзібора, Судзівоя і Гудзігерда.

Згаданы ў 1416 г. у лісце інфлянцкага магістра брат Румбаўда Сегебут можа быць тоесны Шэдзібору, але можа быць і яшчэ адным сынам Валімонта.

• W.Semkowicz. O litewskich rodach bojarskich zbratanych ze szlachtą polską w Horodle roku 1413. Miesięcznik Heraldyczny. Organ Towarzystwa Heraldycznego we Lwowie. R.7 1914 nr1-2