Ванда Юльянаўна Бароўка

Ванда Юльянаўна Бароўка (нар. 26 студзеня 1959, в. Васілеўшчына, Пастаўскі раён, Віцебская вобласць) — беларускі літаратуразнавец. Доктар філалагічных навук (2011), дацэнт (1993), прафесар (2013).

Скончыла Беларускі дзяржаўны ўніверсітэт (спецыяльнасць «Беларуская мова і літаратура. Руская мова і літаратура», 1981; аспірантура, 1989; дактарантура, 2004).

Працавала ў СШ № 30 г. Віцебска (1981—1985, настаўнік беларускай мовы і літаратуры), Віцебскім дзяржаўным універсітэце імя П. М. Машэрава (з 1985, філалагічны факультэт, кафедра літаратуры, прафесар).

Навуковыя інтарэсы: літаратуразнаўства; літаратура і гістарычная рэчаіснасць; літаратура і этнас; этнаграфія; гісторыя; філасофія; замежныя мовы.

Ганаровая грамата Міністэрства адукацыі Рэспублікі Беларусь (2009).

• Мастацкае народазнаўства ў беларускай прозе XX стагоддзя : дысертацыя … доктара філалагічных навук : 10.01.01 : абаронена 29.09.2010 : зацверджана 02.02.2011 / Бароўка Ванда Юльянаўна. — Мінск, 2010.
• Специфика художественной прозы Э. Скобелева / В. Ю. Боровко // Русскоязычная литература Беларуси конца XIX—XX века : сборник научных статей. — Минск, 2010. — С. 4—10.