Варнукрогс

Варнукрогс
лат.: Vārnukrogs
56°59′43″ пн. ш. 23°56′31″ у. д.HGЯO
Краіна	Латвія
Горад	Юрмала
Паштовыя індэксы	LV-2010
Плошча	5 км²
Медыяфайлы на Вікісховішчы

Варнукрогс лат.: Vārnukrogs, Vārnu krogs) — раён горада Юрмала, на правым беразе ракі Ліелупэ.

Назва паходзіць ад Vārnu krogs, што ў перакладзе азначае «Варановая карчма», якая была пабудавана каля старой грунтавай дарогі з Рыгі ў Курзэмэ. Гэтая дарога праходзіла цераз раку Бульупэ і далей уздоўж краю Рыжскага заліва ў Тукумс.

Да 1454 года земляны перашыек паміж залівам і ракой Бульупэ належаў Рыжскай патрыманіяльнай акрузе, але затым яго заняў Лівонскі ордэн. У 1495 годзе магістр Лівонскага ордэна Вальтэр фон Плетэнберг аддаў феод левага ўчастка Ліелупэ-Бульупэ Ліелупскаму паромшчыку Янісу Білдрынгаму (Büldring).

З 1692 года Бульскі плыт быў вызначаны як адзіная пераправа цераз Ліелупэ на грунтавай дарозе з Рыгі ў Курзэмэ. У 1755 годзе рака Ліелупэ вырвалася ў мора на месцы цяперашняга вусця, і прыйшлося ствараць нанова пераправу каля вусця Ліелупэ.

У 1949 годзе Варнукрогс разам з Прыедайнэ далучылі Юрмальскаму раёну, які на той момант уваходзіў у склад Рыгі, а з 1959 года ён знаходзіцца ў складзе горада Юрмала.