Друўцыемс

Друўцыемс
56°57′01″ пн. ш. 23°45′02″ у. д.HGЯO
Краіна	Латвія
Горад	Юрмала
Паштовыя індэксы	LV-2008
Плошча	1,5 км²
Медыяфайлы на Вікісховішчы

Друўцыемс (лат.: Druvciems) — частка горада Юрмалы, на левым беразе Ліелупэ, якая размяшчаецца ўздоўж вуліцы Слокас, якая вядзе з раёна Дубулты ў раён Валтэры.

Друўцыемс сфарміраваўся як частка суседняга Мэлужы, якая прымыкала да ракі Ліелупэ і мяжуе з лясамі Шлокскага лясніцтва і належала баронам Фіркс. Пасля Першай сусветнай вайны паміж Валтэрмуйжай і Друўцыемсам была збудавана пажарная станцыя. Да 1935 года тут было ўсяго дзве вуліцы, Паляўнічая (латыш. Mednieku iela) і Палявая (латыш. Druvu iela), у 1950-х гг. дадаліся яшчэ тры. У 1970-я гг. раён атрымаў цяперашнюю назву, хоць і працягваў лічыцца часткай пасёлка Пумпуры ў складзе Юрмалы. У 1981 г. тут была пабудавана база адпачынку Дзяржаўнага банка СССР. У пачатку XXI стагоддзя вонкавы выгляд Друўцыемса быў зменены новай прыватнай забудовай на беразе Ліелупэ.