Васіль Аляксандравіч Юшкевіч

Васіль Аляксандравіч Юшкевіч
Васіль Аляксандравіч Юшкевіч
Дата нараджэння	16 (28) лютага 1897 (128 гадоў)
Месца нараджэння	Вільня, Віленскі павет, Віленская губерня, Расійская імперыя;
Дата смерці	15 сакавіка 1951 (54 гады)
Месца смерці	Масква, РСФСР, СССР;
Месца пахавання	Новадзявочыя могілкі;
Альма-матар	Віленскае ваеннае вучылішча[d];
Месца працы	Ваенна-палітычная акадэмія імя У. І. Леніна[d];
Грамадзянства	СССР;
Прыналежнасць	Расійская імперыя (1915—1918) ; РСФСР (1919—1922) ; СССР (1922—1951)
Род войскаў	РІА; РСЧА
Гады службы	1915—1951
Званне	; падпаручнік (РІА) ; Генерал-палкоўнік генерал-палкоўнік (СССР)
Камандаваў	100-я стралковая дывізія; 13-ы стралковы корпус; 44-ы стралковы корпус ; 22-я армія (СССР); 31-я армія (СССР); 3-я ўдарная армія; Адэская ваенная акруга; Прыволжская ваенная акруга
Бітвы/войны	Першая сусветная вайна ; Грамадзянская вайна ў Расіі ; Грамадзянская вайна ў Іспаніі ; Вялікая Айчынная вайна
	Медыяфайлы на Вікісховішчы

Васіль Аляксандравіч Юшкевіч (28 лютага 1897, Вільня — 15 сакавіка 1951, Масква) — савецкі ваенаначальнік, генерал-палкоўнік (1945). Член КПСС з 1919.

Біяграфія

Беларус^[2]. Нарадзіўся ў Вільні. У 1915 годзе скончыў 6 класаў камерцыйнага вучылішча і быў закліканы ў армію. Накіраваны ў Віленскае ваеннае вучылішча. У верасні 1915 года ў чыне прапаршчыка скончыў паскораны курс вучылішча, на той момант эвакуіраванага ў Палтаву.

Удзельнічаў у 1-й сусветнай вайне (камандзір узводу, роты). У Грамадзянскую вайну 1918—1920 камандаваў стралковай ротай, батальёнам, палком. Скончыў курсы ўдасканалення вышэйшага каманднага складу пры Ваеннай акадэміі імя М. У. Фрунзэ (1926 і 1928), камандаваў стралковай дывізіяй і корпусам. У 1937 быў дарадчыкам у Іспаніі; удзельнічаў у грамадзянскай вайне на баку рэспубліканскага ўраду. У пачатку Вялікай Айчыннай вайны 1941—1945 камандаваў 44-м стралковым корпусам, затым 28 жніўня-19 кастрычніка 1941 — 22-й арміяй, 19 кастрычніка 1941—19 сакавіка 1942 — 31-й арміяй, затым у красавіку 1942 — красавіку 1944 зноў 22-й арміяй, у красавіку — жніўні 1944 — 3-й ударнай арміяй. Удзельнічаў у баях на Заходнім, Калінінскім, Паўночна-Заходнім і 2-м Прыбалтыйскім франтах. Удзельнік абароны Мінска, бітвы пад Масквой. З кастрычніка 1944 года камандаваў войскамі Адэскай, у ліпені 1946 — лістападзе 1950 Прыволжскай ваеннай акругі. Дэпутат Вярхоўнага Савета СССР 2-га і 3-га скліканняў (ад 1946).