2-гі Прыбалтыйскі фронт

2-гі Прыбалтыйскі фронт — адзін з франтоў РСЧА падчас Вялікай Айчыннай вайны.^[1][2]

Утвораны 20 кастрычніка 1943 года ў выніку пераназвання Прыбалтыйскага фронту.

З 1 па 21 лістапада 1943 года войскі левага крыла фронту вялі наступ ў віцебска-полацкім кірунку.

У студзені — лютым фронт удзельнічаў у Ленінградска-Наўгародскай аперацыі 1944 г. Падчас Стараруска-Наваржэўскай аперацыі войскі фронту выйшлі на подступы да Острава, Пушкінскіх Гор, Ідрыцы; у ліпені 1944 года правялі Рэжыцка-Двінскую аперацыю і прасунуліся на захад да 200 км, а ў жніўні — правялі Маданскую аперацыю, падчас якой прасунуліся яшчэ на 60-70 км уздоўж паўночнага берага Заходняй Дзвіны і вызвалілі буйны вузел чыгуначных і шашэйных дарог — горад Мадана.

У верасні — кастрычніку 1944 года, падчас Прыбалтыйскай аперацыі 1944 г., войскі фронту прынялі ўдзел у Рыжскай аперацыі і да 22 кастрычніка выйшлі да тукумскай мяжы абароны праціўніка, блакіраваўшы сумесна з войскамі 1-га Прыбалтыйскага фронту ў Курляндыі групу армій «Поўнач». У наступным, да красавіка 1945 года, яны працягвалі блакаду і вялі баі па знішчэнні курляндскай групоўкі праціўніка. З лютага ў склад фронту ўвайшлі войскі 1-га Прыбалтыйскага фронту, якія дзейнічалі супраць гэтай групоўкі. 1 красавіка 1945 года фронт быў скасаваны, а яго войскі пераведзены ў склад Ленінградскага фронту.^[1]

Першапачаткова ў склад фронту ўваходзілі:

• 3-я ўдарная армія
• 6-я гвардзейская армія
• 11-я гвардзейская армія
• 20-я армія
• 22-я армія
• 15-я паветраная армія

У далейшым:

• 42-я армія
• 51-я арміі
• 1-я ўдарная армія
• 4-я ўдарная армія
• 10-я гвардзейская армія
• 14-я паветраная армія

• Маркіян Міхайлавіч Папоў
• Андрэй Іванавіч Яроменка
• Леанід Аляксандравіч Говараў

• Л. З. Мехліс (кастрычнік — снежань 1943), генерал-лейтэнант;
• М. А. Булганін (снежань 1943 — красавік 1944), генерал-лейтэнант;
• У. М. Багаткін (красавік 1944 — сакавік 1945), генерал-лейтэнант.
• С. І. Шабалін (1944), генерал-маёр.

• Іван Васільевіч Башарын — намеснік камандзіра эскадрыллі 810-го штурмавога авіяцыйнага палка 225-й штурмавой авіяцыйнай дывізіі 15-й паветранай арміі 2-го Прыбалтыйскага фронту, старшы лейтэнант.

• Савецкія франты падчас Вялікай Айчыннай вайны

У Вікікрыніцах ёсць тэксты па тэме
2-гі Прыбалтыйскі фронт