Васіль Васілевіч Шапялевіч

Васіль Васілевіч Шапялевіч
Васіль Васілевіч Шапялевіч
Дата нараджэння	2 сакавіка 1945
Месца нараджэння	Каўняцін, Лагішынскі сельсавет, Лагішынскі раён, Пінская вобласць, БССР, СССР;
Дата смерці	25 сакавіка 2024 (79 гадоў)
Грамадзянства	СССР; Беларусь;
Род дзейнасці	навуковец
Месца працы	Гомельскі дзяржаўны ўніверсітэт імя Францыска Скарыны; Мазырскі дзяржаўны педагагічны ўніверсітэт імя І. П. Шамякіна;
Навуковая ступень	доктар фізіка-матэматычных навук
Навуковае званне	прафесар;
Альма-матар	Брэсцкі дзяржаўны ўніверсітэт імя А. С. Пушкіна;
Узнагароды	Выдатнік народнай асветы БССР[d] (1982)

Васіль Васілевіч Шапялевіч (нар. 2 сакавіка 1945, д. Каўняцін, Пінскі раён, Брэсцкая вобласць — 25 сакавіка 2024) — беларускі фізік-оптык. Доктар фізіка-матэматычных навук (1994), прафесар (1996).

Біяграфія

Скончыў Брэсцкі дзяржаўны педагагічны інстытут імя А. С. Пушкіна (спецыяльнасць «Фізіка», 1969), Інстытут фізікі АН БССР (аспірантура, 1974).

Працаваў у Гомельскім дзяржаўным універсітэце (1974—1975), Мазырскім дзяржаўным педагагічным універсітэце імя І. П. Шамякіна (з 1975, у 1975—1976 — загадчык кафедры фізікі, 1976—1987 і з 2005 — загадчык кафедры тэарэтычнай фізікі і прыкладной інфарматыкі, у 1992—1998 — прарэктар па навуковай рабоце).

Навуковыя інтарэсы: крышталяоптыка; акустаоптыка; гіратрапія; галаграфія ў фотарэфрактыўных крышталях; галаграфічная інтэрфераметрыя; методыка выкладання фізікі; лексіка і фальклор вёскі. Пазапрафесійная дзейнасць: літаратурная творчасць (паэт).

Узнагароды

Значкі «Выдатнік народнай асветы Беларускай ССР» (1982), «Выдатнік асветы СССР» (1985), фэйкавыя званні «International Man of 2000/2001 year» (Міжнародны біяграфічны цэнтр, Кембрыдж, Вялікабрытанія), «The most influential scientist of decade» (Амерыканскі біяграфічны інстытут, 2001), «The person of year» (Амерыканскі біяграфічны інстытут, 2003), прэміі імя Ю. І. Астроўскага ў галіне галаграфіі і інтэрфераметрыі (Фізіка-тэхнічны інстытут імя А. Ф. Іофе РАН, 2003), імя акадэміка Ф. І. Фёдарава (НАН Беларусі, 2011).

Бібліяграфія

Дифракция световых волн на фазовых решетках в гиротропных средах : автореферат диссертации … доктора физико-математических наук : 01.04.05 / Шепелевич Василий Васильевич. — Минск, 1994.
Каля паэзіі : зборнік вершаў / Васіль Шапялевіч. — Мазыр, 2007.

Зноскі

↑ ^а ^б https://www.mspu.by/index.php/home/12586-pamyati-uchenogo-kollegi-pedagoga

Літаратура

Шапялевіч Васіль Васілевіч // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — С. 375. — 10 000 экз. — ISBN 985-11-0035-8. — ISBN 985-11-0279-2 (т. 17).
Шепелевич Василий Васильевич // Республика Беларусь : энциклопедия : [в 7 т.]. — Минск, 2008. — Т. 7. — С. 584.
Регионы Беларуси : энциклопедия : в 7 т. — Минск, 2009. — Т. 1, кн. 2 : Брестская область. — С. 466.