Мазырскі дзяржаўны педагагічны ўніверсітэт імя І. П. Шамякіна

Мазырскі дзяржаўны педагагічны ўніверсітэт імя І. П. Шамякіна
(МДПУ імя І. П. Шамякіна)
Мазырскі дзяржаўны педагагічны ўніверсітэт імя І. П. Шамякіна; (МДПУ імя І. П. Шамякіна)
Заснаваны	1944
Студэнты	3993 (2016)
Дактары	6 (2015)
Краіна	Беларусь;
Размяшчэнне	Мазыр
Юрыдычны адрас	247760, Беларусь, Гомельская вобл., г. Мазыр, вул. Студэнцкая, 28
Сайт	mspu.by

Мазырскі дзяржаўны педагагічны ўніверсітэт імя І. П. Шамякіна — вышэйшая навучальная ўстанова ў Мазыры (Гомельская вобласць, Беларусь).

Універсітэт рыхтуе спецыялістаў па 15 спецыяльнасцях, 6 напрамках, 2 спецыялізацыях і 16 дадатковых спецыяльнасцях. На пачатак 2006—2007 навучальнага года ва ўніверсітэце навучалася 8392 студэнты (у тым ліку 3902 на дзённай і 4490 на завочнай форме навучання).

Гісторыя

Заснаваны на базе Рагачоўскага настаўніцкага інстытута ў 1944 годзе як Мазырскі настаўніцкі інстытут. Першы выпуск спецыялістаў адбыўся ў 1946 годзе. У 1952 годзе рэарганізаваны ў Мазырскі педагагічны інстытут. У 1964 годзе інстытуту прысвоена імя Н. К. Крупскай. У 2002 годзе інстытут быў рэарганізаваны ў Мазырскі дзяржаўны педагагічны ўніверсітэт, якому ў 2006 годзе ўказам Прэзідэнта было прысвоена імя народнага пісьменніка Беларусі Івана Шамякіна.

Факультэты

У складзе МДПУ 6 факультэтаў:

Тэхнолага-біялагічны факультэт
Факультэт дашкольнай і пачатковай адукацыі
Факультэт фізічнай культуры
Фізіка-інжынерны факультэт
Філалагічны факультэт
Факультэт павышэння кваліфікацыі і перападрыхтоўкі кадраў

Рэктары

(1944—1944) — Міхаіл Фядотавіч Жаўрыд
(1944—1945) — Ануфрый Сцяпанавіч Нікіцін
(1945—1950) — Аляксандр Георгіевіч Карафан^[1]
(1950—1952) — Фядот Акімавіч Калінін
(1952—1968) — Андрэй Пятровіч Эльман
(1968—1974) — Валянцін Мікалаевіч Шкурко
(1974—1983) — Міхаіл Апанасавіч Дзмітрыеў
(1983—1997) — Уладзімір Аляксандравіч Дударэнка
(1997—2018) — Валянцін Васільевіч Валетаў
(з 2018) — Валерый Мікалаевіч Наўныка

Вядомыя выпускнікі і выкладчыкі

Міхаіл Апанасавіч Дзмітрыеў (1921—2001) — доктар педагагічных навук, прафесар, Герой Сацыялістычнай Працы. Скончыў Мазырскі педагагічны інстытут у 1941 годзе^[2]. Рэктар інстытута у 1974—1984 гадах.
Уладзімір Аляксандравіч Дударэнка (нар. 1934) — скончыў інстытут ў 1956 годзе, рэктар інстытута ў 1983—1997 гадах.
Святлана Георгіеўна Ціханоўская (нар. 1982) — скончыла ўніверсітэт у 2004 годзе, беларуская палітычная дзяячка, кандыдат у Прэзідэнты Рэспублікі Беларусь на выбарах 2020 года.

Зноскі

↑ http://mspu.by/files/bolbas/057_valetov_iz_istorii.pdf
↑ Дмитриев Михаил Афанасьевич на сайце «Героі краіны»

Літаратура

Мазы́рскі педагагі́чны інстыту́т // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 455. — 800 с. — 5 000 экз. — ISBN 985-11-0026-9.