Васіль Мікалаевіч Муранкоў

Васіль Мікалаевіч Муранкоў (1960^[3], в. Альхоўка, Горацкі раён, Магілёўская воблассць, Беларуская ССР^[3]) — беларускі дзяржаўны дзеяч.

Скончыў Беларускую дзяржаўную сельскагаспадарчую акадэмію і Акадэмію кіравання пры Прэзідэнце Рэспублікі Беларусь^[3].

Працоўную дзейнасць пачаў у 1986 годзе ў якасці начальніка мяса-малочнага комплексу буйной рагатай жывёлы калгаса «Шлях Леніна» Горацкага раёна, з 1996 па 2000 год галоўны заатэхнік гэтага ж калгаса^[3].

З 2000 па 2005 год працаваў намеснікам начальніка ўпраўлення сельскай гаспадаркі і харчавання па жывёлагадоўлі Аршанскага раённага выканаўчага камітэта, а з 2005 па 2010 год — першым намеснікам старшыні, начальнікам упраўлення сельскай гаспадаркі і харчавання Аршанскага райвыканкама^[3].

У 2010 заняў пасаду старшыні Гарадоцкага раённага выканаўчага камітэта^[3]. 29 чэрвеня 2015 года, на паседжанні раённага Савета дэпутатаў быў зняты з пасады старшыні райвыканкама, бо звярнуўся ў Віцебскі аблвыканкам з заявай аб вызваленні яго ад пасады ў сувязі з пераходам на іншую працу^[4].

З 2015 па 2019 год — старшыня Аршанскага раённага аб’яднання прафсаюзаў^[3].

З 9 кастрычніка 2019 года Васіль Муранкоў прыступіў да абавязкаў першага намесніка старшыні Горацкага раённага выканаўчага камітэта^[3].