Васіль Піліпавіч Мухін

Васіль Піліпавіч Мухін
Васіль Піліпавіч Мухін
Дата нараджэння	31 снежня 1917
Месца нараджэння	Кунтараўка, Веткаўская воласць[d], Гомельскі павет, Магілёўская губерня, Заходняя вобласць, РСФСР[d];
Дата смерці	17 ліпеня 1984 (66 гадоў)
Месца смерці	Гомель, Гомельская вобласць, БССР, СССР;
Месца пахавання	Гомель;
Месца працы	Гомсельмаш; Гомельскі завод вымяральных прылад;
Грамадзянства	СССР;
Прыналежнасць	СССР
Род войскаў	авіяцыя
Гады службы	1938—1957
Званне	падпалкоўнік
Бітвы/войны	Вялікая Айчынная вайна
	Медыяфайлы на Вікісховішчы

Васіль Піліпавіч Мухін (31 снежня 1917 — 17 ліпеня 1984) — ваенны лётчык, удзельнік Вялікай Айчыннай вайны, Герой Савецкага Саюза (1945).

Біяграфія

Нарадзіўся 31 снежня 1917 года ў вёсцы Кунтараўка (у сучасным Веткаўскім раёне Гомельскай вобласці Беларусі).

У 1936—1938 гг. працаваў на заводзе «Гомсельмаш». Скончыў 1 курс фінансавага тэхнікума, у 1938 годзе — Гомельскі аэраклуб. У Чырвонай Арміі з 1938 года. У 1941 годзе скончыў Чугуеўскую ваенную авіяцыйную школу лётчыкаў. З ліпеня 1942 г. удзельнік баявых дзеянняў на Паўднёвым, Варонежскім, Сцяпным, 2-м Украінскім франтах, удзельнік Курскай бітвы, вызвалення Украіны, Румыніі, Венгрыі, Чэхаславакіі, Аўстрыі. Да канца вайны здзейсніў 340 баявых вылетаў, удзельнічаў у 77 паветраных баях, асабіста збіў 19 самалётаў праціўніка. З ліпеня 1943 г. прыкрываў у баях І. М. Кажадуба^[2].

Да 1957 г. В. П. Мухін на службе ў Савецкай Арміі. У 1948 годзе скончыў Вышэйшую афіцэрскую школу штурманаў ВПС. З 1957 года падпалкоўнік Мухін у адстаўцы. У 1965—1973 гг. працаваў на заводзе ў Гомелі.

Памёр 17 ліпеня 1984 года. Пахаваны ў Гомелі.

Узнагароды і званні

Медаль «Залатая Зорка»
Ордэн Леніна
4 ордэны Чырвонага Сцяга
Ордэн Айчыннай вайны 1-й ступені
Ордэн Чырвонай Зоркі
медалі
Ганаровы грамадзянін горада Бельцы (Малдова).

Памяць

Мемарыяльныя дошкі ўсталяваны на прахадной завода і будынку ДТСААФ у Гомелі.
Мемарыяльная дошка на Алеі Герояў у горадзе Корсунь-Шаўчэнкаўскі (Чаркаская вобласць Украіны).
Імя В. П. Мухіна на мемарыяльным знаку на Алеі Герояў у горадзе Чугуеў.
Помнік на алее выбітных ураджэнцаў Веткаўскага раёна на цэнтральнай плошчы г. Ветка.

Зноскі

↑ http://www.warheroes.ru/hero/hero.asp?Hero_id=9239
↑ Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 19.

Літаратура

Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11). — С. 19.