Васілій II Балгарабойца

Васілій II Балгарабойца
Βασίλειος B' Βουλγαροκτόνος
Васілій II, якога карануюць анёлы. Мініяцюра Псалтыра Васілія II (Venet. Marc. Ms. gr. 17. Fol. 3r).
Візантыйскі імператар 963 — 963
Папярэднік	Раман II
Пераемнік	Нікіфар II
Візантыйскі імператар 976 — 1025
Папярэднік	Іаан I Цымісхій
Пераемнік	Канстанцін VIII
Нараджэнне	958 Канстанцінопаль, Візантыя
Смерць	15 снежня 1025 Канстанцінопаль, Візантыя[1]
Месца пахавання	Agios Ioannis Theologos, Kythnos[d]
Род	Македонская дынастыя
Бацька	Раман II[d]
Маці	Феафана[d]
Веравызнанне	Праваслаўе
Медыяфайлы на Вікісховішчы

Васі́лій II Балгарабойца (Булгарактон) (грэч. Βασίλειος B' Βουλγαροκτόνος; 958, Канстанцінопаль — 15 снежня 1025) — візантыйскі імператар (976—1025) з Македонскай дынастыі.

Узмацніў палітычную, эканамічную і ваенную магутнасць Візантыі; абмежаваў уплыў знатных родаў, задушыў іх паўстанні ў 976—79 і 987—89.

Меў добрасуседскія адносіны з кіеўскім князем Уладзімірам, за якога выдаў замуж сваю сястру Ганну. Гэты шлюб паспрыяў прыняццю на Русі хрысціянства.

У 995 здзейсніў паспяховы паход у Сірыю супраць Фатымідаў; захапіў частку грузінскіх і армянскіх зямель. Пасля працяглай вайны ў 1018 пакарыў Заходне-Балгарскае царства і падпарадкаваў яго Візантыі; за жорсткасць, якую праявіў у гэтай вайне (у 1014 загадаў асляпіць 14 тыс. балгарскіх палонных), празваны Балгарабойцам. Значна пашырыў тэрыторыю сваёй імперыі: яна ўключыла ўвесь Балканскі паўвостраў і Малую Азію, распасціралася да Каўказскага хрыбта і Месапатаміі на ўсходзе і Італіі на захадзе.

• Васілій II Балгарабойца // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. С. 25.
• Михаил Пселл. Хронография: Пер. с греч. М., 1978.
• Василий II // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.

• На Вікісховішчы ёсць медыяфайлы па тэме Васілій II Балгарабойца