Вераніка Аляксандраўна Буслаева

Вераніка Аляксандраўна Буслаева
Дата нараджэння	3 кастрычніка 1978(1978-10-03) (46 гадоў)
Месца нараджэння	Мінск, БССР, СССР
Грамадзянства	Беларусь
Адукацыя	Беларускі дзяржаўны ўніверсітэт культуры і мастацтваў
Прафесія	актрыса, драматург, тэатральны рэжысёр, сцэнарыст
Тэатр	РТБД
Узнагароды

Вераніка Аляксандраўна Буслаева (3 кастрычніка 1978, Мінск) — беларуская тэатральная актрыса, тэатральны рэжысёр і драматург^[1].

Нарадзілася 3 кастрычніка 1978 года ў Мінску^[1].

У 1997 паступіла ў Беларускі дзяржаўны ўніверсітэт культуры і скончыла яго ў 2002 годзе, атрымаўшы спецыяльнасць «Рэжысёр, арганізатар тэатральнай дзейнасці, педагог спецыяльных дысцыплін»^[1].

З 2001 года працуе ў Рэспубліканскім тэатры беларускай драматургіі^[1].

Акрамя працы ў РТБД займалася педагагічнай дзейнасцю: працавала педагогам-асістэнтам па рэжысуры ў Беларускім дзяржаўным універсітэце культуры і мастацтваў на курсе Валерыя Анісенкі, а таксама выкладала сцэнічную мову у школе № 27 г. Мінска з тэатральным ухілам^[1].

Рэжысёрскім дэбютам Буслаевай стаў спектакль «Усе мышы любяць цырк», пастаўлены ў Рэспубліканскім тэатры беларускай драматургіі.

У 2004 годзе атрымала стыпендыю Спецыяльнага фонда Прэзідэнта Рэспублікі Беларусь па падтрымцы таленавітай моладзі^[1].

За ролю Сястры Іааны ў спектаклі «П'емонцкі звер» А. Курэйчыка атрымала спецыяльны прыз журы фестываля «Лістапад-2007»^[1].

Узнагароджана медалём Францыска Скарыны (2016)^[1].

• Вераніка Буслаева Архівавана 25 сакавіка 2017. // Дзяржаўная ўстанова Заслужаны калектыў Рэспублікі Беларусь «Рэспубліканскі тэатр беларускай драматургіі»