Вера Ільінічна Кавалерава

Вера Ільінічна Кавалерава
Дата нараджэння	13 ліпеня 1951(1951-07-13)[1] (73 гады)
Месца нараджэння	Мінск, БССР, СССР
Грамадзянства	СССР  Беларусь
Адукацыя	Беларускі дзяржаўны ўніверсітэт культуры і мастацтваў
Прафесія	актрыса
Гады актыўнасці	з 1972
Тэатр	Беларускі дзяржаўны акадэмічны тэатр юнага гледача Львоўскі драматычны тэатр імя Лесі Украінкі[d]
Член у	БСТД
Узнагароды	Заслужаны артыст Беларусі (1991) Крыштальная Паўлінка (2011) Прэмія імя Л. Мазалеўскай (2001)
IMDb	ID 5049177

Вера Ільінічна Кавале́рава (нар. 13 ліпеня 1951(1951-07-13)^[1], Мінск) — беларуская актрыса. Заслужаная артыстка Беларусі (1991).

Займалася ў 1959—1969 гадах дзіцячай тэатральнай студыі пры Рэспубліканскай студыі тэлебачання. З 1970 года працуе ў Тэатры юнага гледача Беларусі, у 1978—1984 гадах у Львоўскім драматычным тэатры  (руск.) (бел..

Актрыса на ролі травесці. Яе спецыфічная тэхніка выканання роляў казачных персанажаў выразна падкрэслівае іх характарнасць: Чыпаліна («Чыпаліна і яго сябры» паводле Дж. Радары), Ліс («Рыгорка — ясная зорка» А. Вярцінскага) і інш. Выканаўца, здольная і на глыбокае пранікненне ва ўнутраны свет вобразаў: Эвен і Гітэль Моска («Стваральніца цуду  (руск.) (бел.» і «Двое на арэлях» У. Гібсана  (руск.) (бел.). Лепшыя ролі вылучаюцца раскрыццём душэўнага стану персанажаў, тэмпераментнасцю, узрушанасцю пачуццяў: Міколка («Міколка-паравоз» паводле М. Лынькова), Кацярынка, Зоська («Чаму ж мне не пець, чаму ж не гудзець» паводле Я. Купалы і М. Чарота), Ларыса («Чатыры кроплі» В. Розава  (руск.) (бел.) і інш.

Заслужаная артыстка Беларусі (1991). Лаўрэатка прэміі імя Л. Мазалеўскай (2001). Уладальніца прыза «Крыштальная Паўлінка» (2011).

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).