Вослепна

Вослепна, Слепня
Вослепна, Слепня
Морфаметрыя
Вышыня над узроўнем мора	154,8 м
Даўжыня	3,29 км
Шырыня	1,21 км
Плошча	1,96 км²
Аб’ём	0,00852 км³
Даўжыня берагавой лініі	9,92 км
Найбольшая глыбіня	8 м
Сярэдняя глыбіня	4,5 м
Гідралогія
Салёнасць	0,2 ‰
Празрыстасць	1,2 м
Басейн
Плошча вадазбору	9,43 км²
Упадаюць	ручаі
Выцякаюць	пратока ў возера Вымна
Размяшчэнне
Краіна	Беларусь
	; Вослепна, Слепня
	; Вослепна, Слепня

Во́слепна, Сле́пня, Васле́пна^[1] — возера ў Беларусі ў Гарадоцкім раёне Віцебскай вобласці ў басейне ракі Лужаснянка (прыток Заходняй Дзвіны). За 22 км на ўсход ад горада Гарадок.

Плошча люстра возера складае 1,96^[2] км², даўжыня 3,29^[2] км, найбольшая шырыня 1,21^[2] км. Даўжыня берагавой лініі 9,92^[2] км. Найбольшая глыбіня 8 м, сярэдняя 4,5 м. Плошча вадазбору 9,43^[2] км².
Катлавіна возера складанага тыпу, выцягнутая з паўднёвага захаду на паўночны ўсход. Схілы катлавіны пераважна стромкія, вышынёй 5—10 м. Берагавая лінія звілістая, утварае залівы і мысы. Літаральная зона вузкая. Дно возера плоскае, выслана ілам і сапрапелем. На возеры 7 астравоў агульнай плошчай 7^[2] га.
Возера эўтрофнае, слабапраточнае. Упадаюць ручаі, выцякае пратока (ручай) у возера Вымна. Зарастае каля 20 % плошчы возера. Надводная прыбярэжная расліннасць займае паласу шырынёй да 30 м і да глыбіні 2 м. Падводная расліннасць распаўсюджваецца да глыбіні 3 м.

У возеры водзяцца шчупак звычайны, лешч, акунь, судак, язь, плотка, лінь, мянтуз і іншыя віды рыб. На возеры адзначаны гнездаванні гогаля звычайнага.

Батанічны заказнік «Вослепна»^[3].

Падчас Вялікай Айчыннай вайны на беразе возера Вослепна знаходзіўся партызанскі аэрадром^[4].

Гл.таксама

Азёры Беларусі

Зноскі

↑ Беларуская ССР: Кароткая энцыклапедыя. У 5-і т. Т.2 / Рэд. кал.: П. У. Броўка і інш. — Мн.: Гал. рэд. БелСЭ, 1979. — Т. 2. — 752 с. — 15 000 экз.
↑ ^а ^б ^в ^г ^д ^е Энцыклапедыя прыроды Беларусі. У 5-і т. Т.1 / Рэдкал.: І. П. Шамякін (гал. рэд.) і інш. — Мн.: БелСЭ, 1983. — Т. 1. — 575 с. — 10 000 экз.
↑ О Программе социально-экономического развития Городокского района на 2006–2010 годы (нявызн.)(недаступная спасылка). Архівавана з першакрыніцы 22 студзеня 2012. Праверана 24 студзеня 2012.
↑ У партизанского аэродрома (руск.)

Літаратура

Энцыклапедыя прыроды Беларусі. У 5-і т. Т.1 / Рэдкал.: І. П. Шамякін (гал. рэд.) і інш. — Мн.: БелСЭ, 1983. — Т. 1. — 575 с. — 10 000 экз.
Беларуская ССР: Кароткая энцыклапедыя. У 5-і т. Т.2 / Рэд. кал.: П. У. Броўка і інш. — Мн.: Гал. рэд. БелСЭ, 1979. — Т. 2. — 752 с. — 15 000 экз.
Республика Беларусь. Атлас охотника и рыболова: Витебская область (руск.) / Редактор Г. Г. Науменко. — Мн.: РУП «Белкартография», 2010. — С. 23. — 72 с. — 10 000 экз. — ISBN 978-985-508-136-5.
Витебская область: Общегеографический атлас (руск.) / Ред. И. Н. Шлык. — Мн.: РУП «Белкартография», 2008. — С. 19. — 36 с. — 5 000 экз. — ISBN 978-985-508-049-8.