Вуліца Дзяржынскага (Магілёў)

Вуліца Дзяржынскага Магілёў
Агульная інфармацыя
Краіна	Беларусь
Рэгіён	Магілёўская вобласць
Горад	Магілёў
Раён	Ленінскі раён
Працягласць	530 м
Назва ў гонар	Фелікс Эдмундавіч Дзяржынскі
Медыяфайлы на Вікісховішчы

Вуліца Дзяржы́нскага (руск.: улица Дзержинского) — вуліца ў Ленінскім раёне Магілёва, у гістарычным цэнтры горада.

Трасіроўка сучаснай вуліцы не супадае з гістарычнымі, на адрэзку ад вуліцы Крыленкі да вуліцы Яцыны ідзе паралельна да былога 2-га Краснапольскага завулка. Сучаснае аблічча вуліцы пачало фарміравацца ў 1950-я гады. Названа ў 1952 годзе ў гонар Ф. Э. Дзяржынскага^[1].

Арыентавана з поўначы на поўдзень. Размешчана паміж броўкай левага берага ракі Дубравенкі і вуліцай Першамайскай, да якой паралельна. Пачынаецца ад вуліцы Крыленкі, перасякае вуліцу Яцыны, з усходу прымыкаюць Камісарыяцкі завулак і завулак Тані Карпінскай, пасля скрыжавання з якім пераходзіць у Чырвоны завулак. Працягласць 530 м.

Пераважае забудова 5-, 6-, 7-павярховымі жылымі дамамі^[1].

• № 1 (вул. Крыленкі, 8) — Магілёўская абласная бібліятэка імя У. І. Леніна.
• № 6 — былы дзіцячы сад № 8.

• № 7 — Абласны цэнтр павышэння кваліфікацыі кіруючых работнікаў і спецыялістаў упраўлення ЖКГ Магілёўскага аблвыканкама (архітэктар М. Янчык). Пабудаваны будынак Кустовага інфармацыйна-вылічальнага цэнтра Мінжылкамгаса БССР^[2].
• № 7А — банк БелВЭБ.

• Дзержинского улица // Могилёв. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1990. — 472 с. — ISBN 5-85700-028-9.

• На Вікісховішчы ёсць медыяфайлы па тэме Вуліца Дзяржынскага (Магілёў)